Naat
Koi Ja Kar Yeh Keh De Rauza-e–e-Mahboob-e-subhaan Par
کوئی جا کر یہ کہہ دے روضۂ محبوبِ سبحاںﷺ پر
Urdu Kalam
مطلع
کوئی جا کر یہ کہہ دے روضۂ محبوبِ سبحاںﷺ پر
تَرحَّم یانبیﷺ اللہ کسی بیمار ہجراں پر
جھکے پڑتے ہیں گیسوئے معنبر روئے قرآں پر
گھٹائیں رحمتوں کی چھا رہی ہیں صحنِ بُستاں پر
میں مٹ مٹ کر بہاریں لوٹتا ہوں زندگانی کی
تڑپتا ہے مرا لاشہ زمین کوئے جاناں پر
دل مضطر تری دیوانگی میں آگ لگ جائے
قدم رکھ کر کہیں چلتے ہیں خاکِ کوئے جاناں پر
ہوئی دامانِ رحمت میں مری تردامنی پنہاں
گریں چشمِ ندامت سے جہاں دو بوند داماں پر
مقطع
بال آخر جذبۂ صادق اثر لایا خلیؔل اپنا
کہ طیبہ آگیا لاشہ مرا دوشِ عزیزاں پر
Kalam Details
Bahr
Bahr-e-Hazaj Musamman Salim
Arkaan
مفاعیلن مفاعیلن مفاعیلن مفاعیلن
Radif
پر
Zameen
بحر: ہزج مثمن سالم؛ ردیف: پر
Sanf
نعت
Script
Urdu
Total Misra
12
Writer
Mufti Muhammad Khaleel Barkati
Book
Jamal-e-Khaleel