Naat
Nahin Mere Achay Amal Ghaus Azam
نہیں میرے اچھے عمل غوث اعظم
Urdu Kalam
مطلع
نہیں میرے اچھے عمل غوث اعظم
مگر تم پہ رکھتا ہوں بل غوث الاعظم
ترا دامن پاک مجھ سے نہ چھوٹا
یہ ہے عمر کاماحصل غوث الاعظم
حسین وحسن پھول باغ نبی کے
اُسی باغ کا تو ہے پھل غوث الاعظم
ہے قولِ خضریہ کہ سب اولیا میں
نہیں تیرا کوئی بدل غوث الاعظم
بھکاری ترے شمس و زہرہ عطارو
گدا مشتری و زحل غوث الاعظم
ترے نام کا جو بھی تعویذ باندھے
نہ ہو اُس کو کوئی خلل غوث الاعظم
کیا تو نے آرام اس جاں بلب کو
وہ تھے دست و پا جس کے شل غوث الاعظم
شفا خانہ عام دربار عالی
تو شانی جملہ علل غوث الاعظم
کیا اک نگاہ کرم نے تمہاری
کوئی قطب کوئی بدل غوث الاعظم
جو دنیا میں ہوگا مدد خواہ ان سے
سنبھالیں گے گل اس کی کل غوث الاعظم
کھلا دے کل دل کی میں تیرے صدقے
پریشان ہوں آج کل غوث الاعظم
دلاسے کو رکھ ہاتھ سینے پر میرے
کہ دل پر ہے رنجوں کا دل غوث الاعظم
ہیں مشکل کشا جدامجد تمہارے
کرو میرے عقدوں کو حل غوث الاعظم
کرم کے ہیں پیاسے ترے نام لیوا
کھلے آب رحمت کا نل غوث الاعظم
تری خاک درکار بنائیں جو سرمہ
تو آنکھیں ہوں میری کھرل غوث الاعظم
تمنا ہے دل میں کہ بغداد پہنچوں
وہیں مجھ کو آئے اجل غوث الاعظم
ترے در پہ رکھا ہوا ہو مرا سر
جب آئے پیام اجل غوث الاعظم
مجھے شکل اپنی دکھانا خدارا
جب آئے پیامِ اجل غوث الاعظم
مجھے شکل اپنی دکھانا خدارا
جب آئے پیام اجل غوث الاعظم
بہار آئے جس سے ہوا وہ چلا دے
کھلے میرے دل کا کنول غوث الاعظم
ہوئی چار جانب سے اعدا کی یورش
ذراتیغ لےکر سنبھل غوث الاعظم
کچھ ایسا ہوا تیری عزت کا شہرہ
کہ گونج اٹھے دشت و جبل غوث الاعظم
یہ قادر کے گھر سے ملی تجھ کو عزت
قضا خواب سے دی بدل غوث الاعظم
عطا دین اسلام کو ہو ترقی
مٹا سارے جھوٹے ملل غوث الاعظم
جمیل آرزو ہے کہ مجھ کو بلا کر
سنیں مجھ سے خود یہ غزل غوث الاعظم
مقطع
قبالۂ بخشش
Kalam Details
Bahr
Bahr-e-Mutaqarib Musamman Salim
Arkaan
فعولن فعولن فعولن فعولن
Radif
غوث الاعظم
Zameen
بحر: متقارب مثمن سالم؛ ردیف: غوث الاعظم
Sanf
منقبت
Script
Urdu
Total Misra
51
Writer
Maulana Jameel-ur-Rahman Qadri
Book
Qabala-e-Bakhshish