Naat
Raah-e-irfaan Se Jo Hum Naadeeda Ro Mahram-e- Nahin
راہِ عرفاں سے جو ہم نادیدہ رو محرم نہیں
Urdu Kalam
مطلع
راہِ عرفاں سے جو ہم نادیدہ رو محرم نہیں
مصطفیٰ ہے مسندِ ارشاد پر کچھ غم نہیں
ہوں مسلماں گرچہ ناقص ہی سہی اے کاملو!
ماہیت پانی کی آخر یم سے نم میں کم نہیں
غنچے مَآ اَوْحٰی کے جو چٹکے دَنیٰ کے باغ میں
بلبلِ سدرہ تک اُن کی بُو سے بھی محرم نہیں
اُس میں زم زم ہےکہ تھم تھم اس میں جم جم ہے کہ بیش
کثرتِ کوثر میں زم زم کی طرح کم کم نہیں
پنجۂ مہرِ عرب ہے جس سے دریا بہہ گئے
چشمۂ خورشید میں تو نام کو بھی نم نہیں
ایسا امّی کس لیے منّت کشِ استاد ہو
کیا کفایت اُس کو اِقْرَأْ رَبُّکَ الْاَکْرَمْ نہیں
اوس مہرِ حشر پر پڑ جائے پیاسو تو سہی
اُس گلِ خنداں کا رونا گریۂ شبنم نہیں
ہے انھیں کے دم قدم کی باغِ عالم میں بہار
وہ نہ تھے عالَم نہ تھا گر وہ نہ ہوں عالَم نہیں
سایۂ دیوار و خاکِ در ہو یا رب اور رؔضا
خواہشِ دیہیم قیصر شوقِ تختِ جم نہیں
مقطع
(حدائقِ بخشش)
Kalam Details
Bahr
Bahr-e-Ramal Musamman Mahzoof
Arkaan
فاعلاتن فاعلاتن فاعلاتن فاعلن
Radif
نہیں
Zameen
بحر: رمل مثمن محذوف؛ ردیف: نہیں
Sanf
نعت
Script
Urdu
Total Misra
19
Writer
Aala Hazrat Imam Ahmad Raza Khan
Book
Hadaiq-e-Bakhshish