Naat
Saba Yeh Kaisi Chali Aaj Dasht Bathaa Se
صبا یہ کیسی چلی آج دشت بطحا سے
Urdu Kalam
مطلع
صبا یہ کیسی چلی آج دشت بطحا سے
امنگ شوق کی اٹھتی ہے قلب مردہ سے
نہ بات مجھ سے گلِ خلد کی کر اے زاہد
کہ میرا دل ہے نگار خارِ طیبہ سے
یہ بات مجھ سے مرے دل کی کہہ گیا زاہد
بہارِ خلد بریں ہے بہارِ طیبہ سے
یہ کس کے دم سے ملی جہاں کو تابانی
مہ و نجوم ہیں روشن منارِ طیبہ سے
فدائیوں کو یہ ضد کیا کہ پردہ اٹھ جائے
ہزار جلوے نمایاں حجابِ آقا سے
جو ہیں مریضِ محبت یہاں چلے آئیں
صدا یہ آتی ہے سن لو مزارِ مولیٰ سے
کنارا ہو گیا پیدا اسی جگہ فوراً
کبھی جو ہم نے پکارا میانِ دریا سے
نہ فیض اس محبت میں تو نے کچھ پایا
کنارا کیوں نہیں کرتا تو اہل دنیا سے
مقطع
پس ممات نہ بدنام ہو ترا اخترؔ
الٰہی اس کو بچالینا طعنِ اعداء سے
Kalam Details
Bahr
Bahr-e-Mujtass Musamman Makhboon Mahzoof Musakkan
Arkaan
مفاعلن فَعِلاتن مفاعلن فِعْلن
Radif
سے
Zameen
بحر: مجتث مثمن مخبون محذوف مسکن؛ ردیف: سے
Sanf
نعت
Script
Urdu
Total Misra
18
Writer
Taj-ush-Shariah Mufti Akhtar Raza Qadri Azhari
Book
Safina-e-Bakhshish