Naat

Taabish Zindagi Markaz-e-aagahee Teri Kya Shaan Hai Khwaaj Khwaajagaan

تابش زندگی مرکزِ آگہی تیری کیا شان ہے خواجۂ خواجگاں

Urdu Kalam

مطلع

تابش زندگی مرکزِ آگہی تیری کیا شان ہے خواجۂ خواجگاں

ہے رضا میں تیری تیرے رب کی خوشی میرا ایمان ہے خواجۂ خواجگاں

نور ہی نور ہے تیرے دربار میں غرق ہے روضۂ پاک انوار میں

آپ کی آپ کے رب کی سرکار میں کس قدر مان ہے خواجۂ خواجگاں

اتنا مجھ پر کرم آپ فرمائیے آئیے آئیے بے حجاب آئیے

بخت خفتہ کو آکر جگا جائیے میر ارمان ہے خواجۂ خواجگاں

کتنے کھوٹوں کو جس نے کھرا کردیا کتنے سوکھوں کو جس نے ہرا کر دیا

غم سے چاہا جسے ماورا کر دیا تیرا فیضان ہے خواجۂ خواجگاں

شرم مانع ہے عرض خطا کےلئے لاج رکھ لو ہماری خدا کے لئے

ہاتھ اپنا اٹھا دو دعا کے لئے دل پشیمان ہے خواجۂ خواجگاں

وقت رحلت جبیں پر جو تحریر تھی رفعتِ شان اقدس کی تفسیر تھی

تو حبیب خداﷺ ہے حبیب خدا رب کا اعلان ہے خواجۂ خواجگاں

روحِ شیرخدا راحت فاطمہ مظہر شان مختار ہر دوسرا

ہند کی سرزمیں کےلئے باخدا رب کا احسان ہے خواجۂ خواجگاں

کیوں رہے خوف طوفاں سے اندوہگیں یہ ترا اخؔتر بندہ ٔ کمتریں

یہ تصور نہیں کیا سکوں آفریں تو نگہبان ہے خواجۂ خواجگاں

مقطع

۱؎ ’’ھٰذا حبیب اللہ مات فی حب اللہ‘‘

Bahr Bahr-e-Mutaqarib Musamman Salim Muzaaf

Arkaan فعولن فعولن فعولن فعولن فعولن فعولن فعولن فعولن

Radif ہے خواجۂ خواجگاں

Zameen بحر: متقارب مثمن سالم مضاعف؛ ردیف: ہے خواجۂ خواجگاں

Sanf نعت

Script Urdu

Total Misra 17

Writer Huzoor Syed Muhammad Madani Ashrafi Jilani

Book Tajalliyat-e-Sukhan

Category Naat

Topics Naat