Naat
Tum Ko Yad-e-Qudrat Ne Kya Khoob Snwaaraa Hai
تم کو یدِ قدرت نے کیا خوب سنوارا ہے
Urdu Kalam
مطلع
تم کو یدِ قدرت نے کیا خوب سنوارا ہے
وَالنَّجم کا منظر ہے طٰہٰ کا نظارا ہے
گو طُور کا جلوہ بھی آنکھوں گوارا ہے
طیبہ کا نظارا پھر طیبہ کا نظارا ہے
اس ذاتِ گرامی کو سمجھا تو خدا سمجھا
جس ذاتِ گرامی پر قرآن اتارا ہے
تم شافع و نافع ہوﷺ، میں خاطئ و عاصیﷺ ہوں
پیارا جو تمھارا ہے اللہ کو پیارا ہے
وہ جس نے شرف بخشا آغوشِ یتیمی کو
اسلام کی قسمت ہے دنیا کا سہارا ہے
کیوں بھیک کسی در سے سرکارﷺ بھلا مانگوں
آقاﷺ تِرے ٹکڑوں پر میرا تو گزارا ہے
لبّیک کی آتی ہے آواز ہر اِک دل سے
شاید سرِ فاراں سے پھر ہم کو پکارا ہے
اَخلاق کے شانے سے اے جانِ کرم تو نے
ایک ایک خمِ گیسو ہستی کا سنوارا ہے
مقطع
دامن تِرے ہاتھوں میں ہے حضرتِ حسّاں کا
کس اوج پہ اے اختؔر قسمت کا ستارا ہے
Kalam Details
Bahr
Bahr-e-Hazaj Musamman Akhrab Salim
Arkaan
مفعول مفاعیلن مفعول مفاعیلن
Radif
ہے
Zameen
بحر: ہزج مثمن اخرب سالم؛ ردیف: ہے
Sanf
نعت
Script
Urdu
Total Misra
18
Writer
Syed Marghoob Akhtar Al-Hamidi
Book
Naat Mahal