Naat
Tum Syed-e-kaunain, Shah-e-har Doosra Ho, Ae Sarwar-e-aalam
تم سیّدِ کونین، شہہِ ہر دوسَرا ہو، اے سرورِ عالم
Urdu Kalam
مطلع
تم سیّدِ کونین، شہہِ ہر دوسَرا ہو، اے سرورِ عالم
طالب ہو خدا کے، تمہیں مطلوبِ خدا ہو، اے سرورِ عالم
تم منعمِ کل، لُطف و کرم عام تمہارا، انعام تمہارا
تم سیّدِ کُل، فخرِ رُسُل، شاہِ ھُدا ہو، اے سرورِ عالم
گلشن کی ہر ایک شاخ میں، ہر برگ و شجر میں، ہر گُل میں ثمر میں
تم حسنِ ازل، نورِ ابد،رنگِ بقا ہو، اے سرورِ عالم
انگشتِ تحیّر تہہِ دندانِ حَکیماں، اعجاز نمایاں
ہو نُور سے پُرجسم نہ سائے کا پتا ہو، اے سرورِ عالم
سرکار بھلا کب یہ طلب دل کی ہو پُوری، حاصل ہو حضوری
ہو آپ کا دربارِ مقدّس، یہ گدا ہو، اے سرورِ عالم
بیماریِٔ دل کو ہے ترقّی پہ ترقّی، اب کیا کرے کوئی
خدمت میں بُلا لو کہ تمہی اس کی دَوَا ہو، اے سرورِ عالم
مقطع
بُرہانؔ کو کب شعر و سخن کا ہے سلیقہ ، صدقہ رضا کا ہے
پھر لطف کہ ہر شعر محبت سے بھرا ہو، اے سرورِ عالم
Kalam Details
Bahr
Bahr-e-Hindi Mutaqarib Musaddas Muzaaf
Arkaan
فعول فعْل فعولن فعول فعلن فع
Radif
ہو اے سرور عالم
Zameen
بحر: بحر ہندی/ متقارب مسدس مضاعف؛ ردیف: ہو اے سرور عالم
Sanf
نعت
Script
Urdu
Total Misra
14
Writer
Burhan-e-Millat Burhan-ul-Haq Jabal Puri
Book
Jazbat-e-Burhan