Naat
Woh Sarkar Aali Maqam Aarhaa Hai
وہ سرکار عالی مقام آرہا ہے
Urdu Kalam
مطلع
وہ سرکار عالی مقام آرہا ہے
شہنشاہِ ذی اقتدار آرہا ہے
جو باعث ہے تخلیقِ اَرض و سما کا
وہ محبوبِ پروردِگار آرہا ہے
ہے جس کی اطاعت خدا کی اطاعت
وہ آقائے بااختیار آرہا ہے
لباسِ بشر میں وہ نُورِ مجسّم
بصد شانِ عزّو وقار آرہا ہے
بشیر و نذیر و امینِ دو عالم
شہِ دین بصد افتخار آرہا ہے
زمین و فلک جس کے زیرِ نگیں ہیں
خدائی کا وہ تاجدار آرہا ہے
غریبی مسرّت سے اِترا رہی ہے
غریبی کا والی و یار آرہا ہے
چمکنے لگے ہیں یتیموں کے چہرے
یتیمی کا اِک غمگسار آرہا ہے
ہر اک ذرّے نے جس کی تعظیم کی ہے
وہ سلطان عظمت مدار آرہا ہے
اُٹھیں اُس کی تعظیم کو اہلِ سنّت
ہدایت کا اِک شاہکار آرہا ہے
مقطع
صلاۃ و سلام اُس کی خدمت میں بُرہاںؔ
جو محبوبِ پروردگار آرہا ہے
Kalam Details
Bahr
Bahr-e-Mutaqarib Musamman Salim
Arkaan
فعولن فعولن فعولن فعولن
Radif
آرہا ہے
Zameen
بحر: متقارب مثمن سالم؛ ردیف: آرہا ہے
Sanf
نعت
Script
Urdu
Total Misra
22
Writer
Burhan-e-Millat Burhan-ul-Haq Jabal Puri
Book
Jazbat-e-Burhan