Naat
Ya Nabi Yaad Teri Dil Se Mere Kyun Jaaye
یا نبی یاد تِری دل سے مرے کیوں جائے
Urdu Kalam
مطلع
یا نبی یاد تِری دل سے مرے کیوں جائے
بختِ بیدار مِرا جاگ کے کیوں سو جائے
لاکھ عشاقِ مدینہ ہیں الم سے گھائل
تم جو آ جاؤ تو پیارے کوئی کیوں گھبرائے
جب نظر ہی میں نہیں لاتے دو عالم کا جمال
ان کے دیوانوں کو فردوس بھی کیوں بہلائے
صبح کا وقت ہے آقا مِری جھولی بھر دو
کٹ گئی رات یوں ہی دستِ طلب پھیلائے
ٹوٹ جائے غم و کلفت کی چٹانوں کا غرور
سبز گنبد سے اگر دل کی صدا ٹکرائے
مقطع
آگئے والیِ بطحا کی اماں میں ارشد
کہہ دو آنا ہے تو اب پیکِ اجل آجائے
Kalam Details
Bahr
Bahr-e-Ramal Musamman Makhboon Mahzoof Maqtoo
Arkaan
فاعلاتن فَعِلاتن فَعِلاتن فِعْلن
Radif
بے ردیف
Zameen
بحر: رمل مثمن مخبون محذوف مقطوع؛ ردیف: بے ردیف
Sanf
نعت
Script
Urdu
Total Misra
12
Writer
Allama Arshad Al-Qadri
Book
Izhar-e-Aqeedat