Naat
Yeh Arsh-e-bareen Hai Ke Madine Ki Zameen Hai
یہ عرشِ بریں ہے کہ مدینے کی زمیں ہے
Urdu Kalam
مطلع
یہ عرشِ بریں ہے کہ مدینے کی زمیں ہے
ساجد ہیں فرشتے بھی جہاں میری جبیں ہے
ہر ایک تڑپ رُوکشِ فردوس بریں ہے
محبوبﷺ! تِرا درد بھی کس درجہ حسیں ہے
جو بھی ہے گدا آپﷺ کا ہِر پھر کے یہیں ہے
سرکارﷺ کا دَر مرکزِ پرکارِ یقیں ہے
ہر صبحِ مبیں ہے تِرے چہرے کی تجلّی
ہر شامِ حسیں سایۂ گیسوئے حِسیں ہے
جب تک نہ ہو اس جانِ عبادت کا تصور
واللہ عبادت کوئی مقبول نہیں ہے
اے ماہِ دنیٰ چُھوگئے جس کو تِرے جلوے
وہ ذرّۂ رہ، تاجِ سرِ مہرِ مبیں ہے
مقطع
للہ مجھے روضۂ انور پہ بلا لو!!
بیتاب بہت اختؔرِ غمگین و حزیں ہے
Kalam Details
Bahr
Bahr-e-Hazaj Musamman Akhrab Makfoof Mahzoof
Arkaan
مفعول مفاعیل مفاعیل فعولن
Radif
ہے
Zameen
بحر: ہزج مثمن اخرب مکفوف محذوف؛ ردیف: ہے
Sanf
نعت
Script
Urdu
Total Misra
14
Writer
Syed Marghoob Akhtar Al-Hamidi
Book
Naat Mahal