Naat
Khaeenchtaa Hai Dil Ko Phir Shauq Gulistaan-e-Rasool
کھینچتا ہے دل کو پھر شوق گلستانِ رسولﷺ
Urdu Kalam
مطلع
کھینچتا ہے دل کو پھر شوق گلستانِ رسولﷺ
بار بار آتا ہے لب پہ نام ایوانِ رسولﷺ
کب سے آہیں بھر رہے ہیں بیقرانِ رسولﷺ
اب نہیں اٹھتا ہے یارب درد ہجرانِ رسولﷺ
دیکھ کر پھولوں کی مستی وجد لاتے جائیے
سیر ہو کر کیجئے سیر گلستانِ رسولﷺ
بیقرارئ دروں میں کاش رخنے ڈالدیں
سینۂ و دل کو نوازیں آکے مژگانِ رسولﷺ
غنچہ و گل میں اُلجھ کر رہ گئے ہم جیتے جی
بند ہوئیں آنکھیں تو دیکھا روئے تابانِ رسولﷺ
پر بچھاتے ہیں ملائک آج یہ کس شوق میں
حشر میں آنے کو ہیں کیا بےقرارانِ رسولﷺ
مغفرت برسانے والا ابرِ رحمت چھاگیا
لو گنہگارو کھلی وہ زلف پیچانِ رسولﷺ
جیتے جی گلزار ہستی کی بہاریں دیکھ لوں
میرے مدفن میں میسر ہو جو بستانِ رسولﷺ
مقطع
حشر میں جاکر پئیں گے ساغرِ کوثر خلیؔل
لے کے مرتے ہیں جو اپنے دل میں ارمانِ رسولﷺ
Kalam Details
Bahr
Bahr-e-Ramal Musamman Salim
Arkaan
فاعلاتن فاعلاتن فاعلاتن فاعلاتن
Radif
رسول
Zameen
بحر: رمل مثمن سالم؛ ردیف: رسول
Sanf
نعت
Script
Urdu
Total Misra
18
Writer
Mufti Muhammad Khaleel Barkati
Book
Jamal-e-Khaleel