Naat
Khuld Mein Laaon Kahan Se Tujh Ko Gulzar-e-haram
خلد میں لاؤں کہاں سے تجھ کو گلزارِ حرم
Urdu Kalam
مطلع
خلد میں لاؤں کہاں سے تجھ کو گلزارِ حرم
آہ اے ولولۂ گل و خارِ حرم
اللہ اللہ یہ ہے رفعتِ دربارِ حرم
کہ ہیں جبریل امیں تابع سرکارِ حرم
یاد کوثر میں تڑپتے ہیں بلانوش ترے
ساقیا اب تو پلادے مئے گلنارِ حرم
سچ تو یہ ہے کہ وہ آغوشِ کرم میں پہنچا
جس کو آغوش میں لے سایۂ دیوارِ حرم
لذت آبلہ پائی کو بڑھا دیتے ہیں
مرہمِ زخمِ جگر سے ہیں سوا خارِ حرم
سارے سامان ہیں عشاق کی تسکیں کے لئے
ہے ارم میں بھی وہی رونق بازارِ حرم
زاہدا جوشِ جنوں خیر سے لایا ہے یہاں
اب کہاں چھوڑ کے جائیں در و دیوارِ حرم
تو نے جی بھر کے زیارت کے مزے لوٹے ہیں
آتجھے دل میں بساؤں سگِ زوّار حرم
کُنجِ مرقد میں ترے دم سے چراغاں ہوگا
مرحبا گریۂ تنہائی بیمارِ حرم
مقطع
آبرو پائی سگِ طیبہ کے صدقہ میں خلیؔل
ہے بڑی چیز قدمبوسئ زوّارِ حرم
Kalam Details
Bahr
Bahr-e-Ramal Musamman Mahzoof
Arkaan
فاعلاتن فاعلاتن فاعلاتن فاعلن
Radif
حرم
Zameen
بحر: رمل مثمن محذوف؛ ردیف: حرم
Sanf
نعت
Script
Urdu
Total Misra
20
Writer
Mufti Muhammad Khaleel Barkati
Book
Jamal-e-Khaleel