Naat
Dar Paak-e-Mustafa Par Agar Hum Bhi Aate Jaate
در پاکِ مصطفیٰﷺ پر اگر ہم بھی آتے جاتے ﷺ
Urdu Kalam
مطلع
در پاکِ مصطفیٰﷺ پر اگر ہم بھی آتے جاتے
تجھے کیا بتائیں اے دل جو تجھے وہاں دکھاتے
تیری رحمتوں کے جھونکے جو انھیں نہ گدگداتے
نہ یہ پھول مسکراتے نہ چمن ہی کھلکھلاتے
نہیں بے سبب فلک پر یہ چراغ ٹمٹماتے
تری خاک رہگزر سے ہیں مگر نظر چراتے
بخدا کہ طور کاسا کبھی ہم بھی لطف اٹھاتے
جو تمھارے روئے زیبا کسی طور دیکھا پاتے
وہ چلی نسیم رحمت وہ بڑھے شفیع محشرﷺ
وہ لپٹ رہے ہیں دیکھو میری معصیت کے کھاتے
دل بے قرار کو پھر حرمِ نبیﷺکی دھن ہے
چلو زائرو مدینے بہ ادب قدم بڑھاتے
یہ سراغِ معرفت ہے یہی رازِ بندگی ہے
کہ یہ آستاں نہ ہوتا تو جبیں کہاں جھکاتے
یہ مری خودی نے مجھکو کیا پائمال ورنہ
کہیں ان کے آستاں سے بھلا ہم بھی اٹھاتے
مقطع
تو خلیؔل چیز کیا تھا تجھے کون پوچھتا تھا
ترے مرشدِ گرامی جو نہ حوصلے بڑھاتے
Kalam Details
Bahr
Bahr-e-Ramal Musamman Mashkool Musakkan
Arkaan
مفعول فاعلاتن مفعول فاعلاتن
Radif
بے ردیف
Zameen
بحر: رمل مثمن مشکول مسکن؛ ردیف: بے ردیف
Sanf
نعت
Script
Urdu
Total Misra
18
Writer
Mufti Muhammad Khaleel Barkati
Book
Jamal-e-Khaleel