Un ki mehak ne dil ke ghunche khila diye hain

Jab aa gayi hain josh-e-rahmat pe un ki aankhen
Jalte bujha diye hain rote hansa diye hain

Ik dil hamara kya hai, aazar us ka kitna
Tum ne to chalte phirte murde jila diye hain

Un ke nisar koi kaise hi ranj mein ho
Jab yaad aa gaye hain sab gham bhula diye hain

Ham se faqeer bhi ab pheri ko uthte honge
Ab to ghani ke dar par bistar jama diye hain

Asra mein guzre jis dam bere par qudsiyon ke
Hone lagi salami parcham jhuka diye hain

Aane do ya dubo do ab to tumhari janib
Kashti tumhin pe chhori langar utha diye hain

Doolha se itna keh do pyare sawari roko
Mushkil mein hain baraati purkhaar baadiye hain

Allah kya jahannam ab bhi na sard hoga
Ro ro ke Mustafa ne darya baha diye hain

Mere Karim se gar qatra kisi ne maanga
Darya baha diye hain durr be-baha diye hain