Tumhare zarre ke par to sitarahaye falak

Agarche chhale sitaron se par gaye lakhon
Magar tumhari talab mein thake na paaye falak

Sar-e-falak na kabhi ta ba aastan pahuncha
Ke ibtida-e-bulandi thi intihaaye falak

Yeh mit ke un ki rawish par hua khud un ki rawish
Ke naqsh-e-pa hai zameen par na saut-e-paaye falak

Tumhari yaad mein guzri thi jaagte shab bhar
Chali naseem, hue band deedahaye falak

Na jaag uthain kahin ahl-e-Baqee' kachchi neend
Chala yeh narm na nikli sadaaye paaye falak

Yeh un ke jalwe ne keen garmiyan shab-e-Isra
Ke jab se charkh mein hain nuqrah o talaaye falak

Mere ghani ne jawahir se bhar diya daman
Gaya jo kaasah-e-mah le ke shab gadaaye falak

Raha jo qani'-e-yak naan-e-sokhtah din bhar
Mili huzoor se kaan-e-gauhar jazaaye falak

Tajammul shab-e-Isra abhi simat na chuka
Ke jab se waisi hi kotal hain sabzahaye falak

Khitab-e-Haq bhi hai darbab-e-khalq min ajalik
Agar idhar se dam-e-hamd hai sadaaye falak

Yeh Ahl-e-Bait ki chakki se chaal seekhi hai
Rawan hai be madad-e-dast aasiyaaye falak