Poochhte kya ho Arsh par yoon gaye Mustafa ke yoon

Qasr-e-Dana ke raaz mein aqlen to gum hain jaisi hain
Rooh-e-Qudus se poochhiye tum ne bhi kuch suna ke yoon

Main ne kaha ke jalwa-e-asl mein kis tarah gumein
Subh ne noor-e-mehr mein mit ke dikha diya ke yoon

Haaye re zauq-e-be-khudi dil jo sambhalne sa laga
Chhak ke mehak mein phool ki girne lagi saba ke yoon

Dil ko de noor-o-daagh-e-ishq phir main fida do neem kar
Mana hai sun ke Shaqq-e-Maah aankhon se ab dikha ke yoon

Dil ko hai fikr kis tarah murde jilate hain Huzoor
Ae main fida laga kar ek thokar ise bata ke yoon

Bagh mein shukr-e-wasl tha hijr mein haaye haaye gul
Kaam hai un ke zikr se khair woh yoon hua ke yoon