Ae Shafi’-e-Umam Shah-e-Zi Jah Le Khabar

Darya ka Josh, Nao na Bera na Nakhuda
Main Dooba, Tu Kahan Hai Mere Shah Le Khabar

Manzil Kari Hai Raat Andheri Main Nabalad
Ae Khizr Le Khabar Meri Ae Mah Le Khabar

Pohnche Pohnchne Wale To Manzil Magar Shaha
Un Ki Jo Thak Ke Baithe Sar-e-Rah Le Khabar

Jangal Darindon Ka Hai Main Be Yar Shab Qareeb
Ghere Hain Char Simt Se Badkhwah Le Khabar

Manzil Nai Aziz Juda Log Na-Shanas
Toota Hai Koh-e-Gham Main Par-e-Kah Le Khabar

Woh Sakhtiyan Sawal Ki Woh Sooratein Muheeb
Ae Ghamzadon Ke Hal Se Agah Le Khabar

Mujrim Ko Bargah-e-Adalat Main Laye Hain
Takta Hai Bekasi Main Teri Rah Le Khabar

Ahl-e-Amal Ko Un Ke Amal Kam Aayenge
Mera Hai Kaun Tere Siwa Aah Le Khabar

Pur Khar Rah, Barahna Pa, Tishna Ab Door
Maula Pari Hai Aafat-e-Jankah Le Khabar

Bahar Zabanen Pyas Se Hain, Aftab Garm
Kausar Ke Shah Kaththarahu Allah Le Khabar