Allah Allah ke Nabi se

Din bhar khelon mein khaak urai
Laaj aayi na zarron ki hansi se

Shab bhar sone hi se gharaz thi
Taron ne hazaar daant peese

Imaan pe maut behtar ae nafs
Teri napaak zindagi se

Ae shahad-numa-e-zehr dar jaam
Gum jaaun kidhar teri badi se

Gehre pyare purane dil-soz
Guzra main teri dosti se

Tujh se jo uthaye main ne sadme
Aise na mile kabhi kisi se

Uf re khudkaam be-murawwat
Parta hai kaam aadmi se

Tu ne hi kiya Khuda se nadim
Tu ne hi kiya khijal Nabi se

Kaise Aaqa ka hukm taala
Hum mar mite teri khudsari se

Aati na thi jab badi bhi tujh ko
Hum jaante hain tujhe jabhi se

Had ke zalim sitam ke kattar
Patthar sharmayen tere ji se

Hum khaak mein mil chuke hain kab ke
Nikla na ghubaar tere ji se

Hai zalim! Main nibahoon tujh se
Allah bachaye us ghari se

Jo tum ko na jaanta ho Hazrat
Chalen chaliye us ajnabi se

Allah ke saamne woh gun the
Yaron mein kaise muttaqi se

Rahzan ne loot li kamai
Faryad hai Khizr Hashmi se

Allah kunwein mein khud gira hoon
Apni nalish karun tujhi se