Al-Amaan qahr hai aye Ghaus woh teekha tera
الاماں قہر ہے اے غوث وہ تِیکھا تیرا
Al-Amaan qahr hai aye Ghaus woh teekha tera
Mar ke bhi chain se sota nahin maara tera
Baadalon se kahin rukti hai karakti bijli
Dhaalein chhanṭ jaati hain uthta hai jo tegha tera
Aks ka dekh ke munh aur biphar jaata hai
Chaar aaeene ke bal ka nahin neza tera
Koh sarmukh ho to ik waar mein do par kaale
Haath padta hi nahin bhool ke oochha tera
Us pe yeh qahr ke ab chand mukhalif tere
Chahte hain ke ghata dein kahin paaya tera
Aql hoti to Khuda se na laraai lete
Yeh ghataein ise manzoor barhaana tera
Wa Rafa'na Laka Zikrak ka hai saaya tujh par
Bol baala hai tera zikr hai ooncha tera
Mit gaye mitte hain mit jaayenge a'daa tere
Na mita hai na mitega kabhi charcha tera
Tu ghataaye se kisi ke na ghata hai na ghate
Jab barhaaye tujhe Allah Ta'ala tera
Samm-e-Qaatil hai Khuda ki qasam un ka inkaar
Munkir-e-Fazl-e-Huzoor aah yeh likha tera
Mere sayyaaf ke khanjar se tujhe baak nahin
Cheer kar dekhe koi aah kaleja tera
Ibn-e-Zahr use tere dil mein hain yeh zahr bhare
Bal be au munkir-e-bebaak yeh Zahra tera
Baaz-e-Ash'hab ki ghulaami se yeh aankhein phirni
Dekh ud jaayega imaan ka tota tera
Shaakh par baith ke jad kaatne ki fikr mein hai
Kahin neecha na dikhaaye tujhe shajra tera
Haq se bad ho ke zamaana ka bhala banta hai
Are main khoob samajhta hoon muamma tera
Sag-e-dar qahr se dekhe to bikharta hai abhi
Band band-e-badan aye rubah-e-duniya tera
Gharaz aaqa se karoon arz ke teri hai panaah
Banda majboor hai khaatir pe hai qabza tera
Hukm naafiz hai tera khaama tera saif teri
Dam mein jo chaahe kare daur hai shaaha tera
Jis ko lalkar de aata ho to ulta phir jaaye
Jis ko chamkaar le har phir ke woh tera tera
Kunjiyaan dil ki Khuda ne tujhe deen aisi kar
Ke yeh seena ho muhabbat ka khazeena tera
Dil pe kandah ho tera naam ke woh duzd-e-rajeem
Ulate hi paaon phire dekh ke tughra tera
Naza mein, gor mein, meezaan pe, sar-e-pul pe kahin
Na chhoote haath se daaman-e-Mu'alla tera
Dhoop-e-mahshar ki woh jaan-soz qiyaamat hai magar
Mutmain hoon ke mere sar pe hai palla tera
Bahjat us sar ki hai jo "Bahjat-ul-Asraar" mein hai
Ke falak waar mureedon pe hai saaya tera
Aye Raza, cheest gham ar jumla jahaan dushman-e-tust
Kardah am maa man-e-khud qibla-e-haajaat-e-ra