Naat
Hai Subh-e-Azal Taabish-e-rukhsar-e-Muhammad
ہے صبحِ ازل تابشِ رخسارِ محمّدﷺ
Urdu Kalam
مطلع
ہے صبحِ ازل تابشِ رخسارِ محمّدﷺ
ہے شامِ ابد گیسوئے خمدارِ محمّدﷺ
کر اتنا کرم حسرتِ دیدارِ محمّدﷺ
دنیا مجھے کہنے لگے بیمارِ محمّدﷺ
ہیں فرش سے تا عرشِ بریں جس کی ضیائیں
اللہ رے آئینۂ رخسارِ محمّدﷺ
ہے قربِ خدا سرورِ عالم کی غلامی
محبوب خدا کا ہے طلب گارِ محمّدﷺ
دیتا ہے خدا ان کو، یہ دیتے ہیں جہاں کو
دنیا ہے حقیقت میں نمک خوارِ محمّدﷺ
رضواں! مری جنت تو یہی ظلِّ خدا ہے
رہنے دے تہِ زلفِ کرم بارِ محمّدﷺ
صدقے تِرے تو نے مِری ہر پیاس بجھائی
اے تشنگئ جلوۂ رخسارِ محمّدﷺ
در اصل کشش ہے یہ فقط ارضِ حرم کی
لے آیا تخیّل سرِ دربارِ محمّدﷺ
سرمایۂ ایمان ہے جھولی میں گدا کی
جنت کا خریدار ہے نادارِ محمّدﷺ
صرف ایک مقامِ احدیّت کے علاوہ
ہر رتبۂ عالی ہے سزاوارِ محمّدﷺ
مقطع
اختؔر یہ فقط فیضِ رضؔا، لطفِ ضیؔا ہے
ہر شعر میں ہے رنگِ چمن زارِ محمّدﷺ
Kalam Details
Bahr
Bahr-e-Hazaj Musamman Akhrab Makfoof Mahzoof
Arkaan
مفعول مفاعیل مفاعیل فعولن
Radif
محمد
Zameen
بحر: ہزج مثمن اخرب مکفوف محذوف؛ ردیف: محمد
Sanf
حمد
Script
Urdu
Total Misra
22
Writer
Syed Marghoob Akhtar Al-Hamidi
Book
Naat Mahal