Naat
Ae Saba Tera Guzar Ho Jo Madina Mein Kabhi
اے صبا تیرا گزر ہو جو مدینہ میں کبھی
Urdu Kalam
مطلع
اے صبا تیرا گزر ہو جو مدینہ میں کبھی
جانا اس گنبدِ خضرا میں کہ ہیں جس میں نبیﷺ
ہاتھ سے اپنے پکڑ کر وہ سنہری جالی
عرض کرنا میری جانب سے بصد شوقِ دلی
ہے تمنّا یہ خدا سے کہ رسولِ عربیﷺ
اپنی آنکھوں کو مَلوں آپکی چوکھٹ سے نبیﷺ
عمر ساری تو کٹی لہو ولعب میں آقاﷺ
زندگی کا کوئی لمحہ نہیں اچھا گزرا
سارے اعمال سیہ جرم سے دفتر ہے بھرا
آرزو ہے کے گناہوں کا ہو یوں کفارا
ہے تمنّا یہ خدا سے کہ رسولِ عربیﷺ
اپنی آنکھوں کو مَلوں آپکی چوکھٹ سے نبیﷺ
عرض کرنا کہ کہاں مجھ سا کمینہ گندہ
اور وہ شہر کہاں جس میں ہوں محبوب خداﷺ
ہاں سنا ہے کہ نبھاتے ہیں بروں کو مولا
اس لئے آپ کے دروازے پہ دیتا ہے سدا
ہے تمنّا یہ خدا سے کہ رسولِ عربیﷺ
اپنی آنکھوں کو مَلوں آپکی چوکھٹ سے نبیﷺ
آرزو دل کی ہے جب بند ہو حرکت دل کی
آنکھ پتھرائے مجھے آئے اخیری ہچکی
روح جانے لگے جب چھوڑ کے جسمِ خاکی
جسم طیبہ میں ہو اور جان چلے سوئے نبیﷺ
ہے تمنّا یہ خدا سے کہ رسولِ عربیﷺ
اپنی آنکھوں کو مَلوں آپکی چوکھٹ سے نبیﷺ
نبیﷺ اس کے سوا اور میں کیا عرض کروں
آپ کا ہو کے جیوں آپ کا ہو کر ہی مروں
آپ کے در سے پلا آپ کے در پر ہی مٹوں
جان تم سے ملی تم پر ہی نچھاور کردوں
ہے تمنّا یہ خدا سے کہ رسولِ عربیﷺ
اپنی آنکھوں کو مَلوں آپکی چوکھٹ سے نبیﷺ
گو میسّر نہیں سالکؔ کو حضور بدنی!
روح حاضر ہے مگر مثل اویس قرنی
جسم ہندی ہے مرا جان ہے میری مدنی
یا خدا دُور کسی طرح ہو بُعد مدنی
مقطع
ہے تمنّا یہ خدا سے کہ رسولِ عربیﷺ
اپنی آنکھوں کو مَلوں آپکی چوکھٹ سے نبیﷺ
Kalam Details
Bahr
Bahr-e-Ramal Musamman Mahzoof
Arkaan
فاعلاتن فاعلاتن فاعلاتن فاعلن
Radif
بے ردیف
Zameen
بحر: رمل مثمن محذوف؛ ردیف: بے ردیف
Sanf
نعت
Script
Urdu
Total Misra
36
Writer
Mufti Ahmad Yar Khan Naeemi
Book
Diwan-e-Salik