Naat
Nigah-e-lutf Ke Umeedwaar Hum Bhi Hain
نگاہِ لطف کے اُمیدوار ہم بھی ہیں
Urdu Kalam
مطلع
نگاہِ لطف کے اُمیدوار ہم بھی ہیں
لیے ہوئے یہ دلِ بے قرار ہم بھی ہیں
ہمارے دستِ تمنا کی لاج بھی رکھنا
ترے فقیروں میں اے شہر یار ہم بھی ہیں
اِدھر بھی توسنِ اقدس کے دو قدم جلوے
تمہاری راہ میں مُشتِ غبار ہم بھی ہیں
کھلا دو غنچۂ دل صدقہ باد دامن کا
اُمیدوارِ نسیمِ بہار ہم بھی ہیں
تمہاری ایک نگاہِ کرم میں سب کچھ ہے
پڑئے ہوئے تو سرِ رہ گزار ہم بھی ہیں
جو سر پہ رکھنے کو مل جائے نعلِ پاکِ حضور
تو پھر کہیں گے کہ ہاں تاجدار ہم بھی ہیں
یہ کس شہنشہِ والا کا صدقہ بٹتا ہے
کہ خسروؤں میں پڑی ہے پکار ہم بھی ہیں
ہماری بگڑی بنی اُن کے اختیار میں ہے
سپرد اُنھیں کے ہیں سب کاروبار ہم بھی ہیں
حسنؔ ہے جن کی سخاوت کی دُھوم عالم میں
اُنھیں کے تم بھی ہو اک ریزہ خوار، ہم بھی ہیں
مقطع
ذوقِ نعت
Kalam Details
Bahr
Bahr-e-Hazaj Musamman Maqbooz Mahzoof
Arkaan
مفاعلن مفاعلن مفاعلن فَعَل
Radif
ہم بھی ہیں
Zameen
بحر: ہزج مثمن مقبوض محذوف؛ ردیف: ہم بھی ہیں
Sanf
نعت
Script
Urdu
Total Misra
19
Writer
Maulana Hasan Raza Khan
Book
Zauq-e-Naat