Naat
Hain Arsh-e-bareen Par Jalwa Figan Mahboob-e-Khuda Subhan Allah!
ہیں عرشِ بریں پر جلوہ فگن محبوبِ خدا سُبْحَانَ اللہ!
Urdu Kalam
مطلع
ہیں عرشِ بریں پر جلوہ فگن محبوبِ خدا سُبْحَانَ اللہ!
اک بار ہوا دیدار جسے سو بار کہا سُبْحَانَ اللہ!
حیران ہوئے برق اور نظر اک آن ہے اور برسوں کا سفر
راکب نے کہا اَللہُ غَنِیّ مَرکَب نے کہا سُبْحَانَ اللہ!
طالب کا پتا مطلوب کو ہے مطلوب ہے طالب سے واقف
پردے میں بلا کر مل بھی لیے پردہ بھی رہا سُبْحَانَ اللہ!
ہے عبد کہاں معبود کہاں معراج کی شب ہے راز نہاں
دو نور حجابِ نور میں تھے خود رب نے کہا سُبْحَانَ اللہ!
جب سجدوں کی آخری حدّوں تک جا پہنچا عُبودیّت والا
خالق نے کہا مَاشَآءَاللہ! حضرت نے کہا سُبْحَانَ اللہ!
سمجھے حاؔمد انسان ہی کیا یہ راز ہیں حُسن و الفت کے
خالق کا ’’حَبِیْبِیْ‘‘ کہنا تھا خَلقت نے کہا سُبْحَانَ اللہ!
مقطع
بیاض پاک
Kalam Details
Bahr
Bahr-e-Hindi Mutaqarib Musaddas Muzaaf
Arkaan
فعول فعْل فعولن فعول فعلن فع
Radif
سبحان اللہ
Zameen
بحر: بحر ہندی/ متقارب مسدس مضاعف؛ ردیف: سبحان اللہ
Sanf
حمد
Script
Urdu
Total Misra
13
Writer
Maulana Hamid Raza Khan
Book
Bayaz-e-Pak