Naat
Istighaasa Bahuzoor Ghaus Ghaus-ul-Azam
استغاثہ بحضور غوث الاعظم
Urdu Kalam
مطلع
ہاتھ پکڑا ہے تو تا حشر نبھانا یا غوث
اب کسی حال میں دامن نہ چھڑانا یا غوث
اپنے ہی کوچے میں سرشارِ تمنّا رکھنا
اپنے محتاج کو در در نہ پھرانا یا غوث
دل سے اترے نہ کبھی تیرے تصور کا خمار
ایسا اک جام حضوری کا پلانا یا غوث
تیرے نانا کی سخاوت کی قسم ہے تجھ کو
اپنے در سے ہمیں خالی نہ پھرانا یا غوث
دوست خوش ہوں مِرے دشمن کو پشیمانی ہو
کام بگڑے ہوئے اس طرح بنانا یا غوث
آستیں اپنی بڑھانا مِری پلکوں کی طرف
اپنے غم میں ہمیں جب جب بھی رلانا یا غوث
کبھی آنکھوں میں کبھی خانۂ دل میں رہنا
روح بن کر مِری رگ رگ میں سمانا یا غوث
نسبت ِ حلقہ بگوشی کا بھرم رکھ لینا
بہرِ امداد مِری قبر میں آنا یا غوث
آبگینہ مِری اُمّید کا ٹوٹے نہ حضور
دردِ حسرت سے مِرے دل کو بچانا یا غوث
تیرے جلووں سے ہیں کتنے ہی شبستاں روشن
میرے دل میں بھی کوئی شمع جلانا یا غوث
مقطع
کسی منجدھار سے ارؔشد کی صدا آتی ہے
میری کشتی کو تمہی پار لگانا یا غوث
Kalam Details
Bahr
Bahr-e-Ramal Musamman Makhboon Mahzoof Maqtoo
Arkaan
فاعلاتن فَعِلاتن فَعِلاتن فِعْلن
Radif
یا غوث
Zameen
بحر: رمل مثمن مخبون محذوف مقطوع؛ ردیف: یا غوث
Sanf
منقبت
Script
Urdu
Total Misra
22
Writer
Allama Arshad Al-Qadri
Book
Izhar-e-Aqeedat