Naat
Karam Kar Ae Khuda Mujh Par Shah-e-ho Ke Sadqe
کرم کر اے خدا مجھ پر شہِ ابرارﷺ کے صدقے
Urdu Kalam
مطلع
کرم کر اے خدا مجھ پر شہِ ابرارﷺ کے صدقے
خطائیں معاف کر میری شہ اختیارﷺ کے صدقے
رجب خالی گیا میرا نہ کی شعبان میں نیکی
عطا فرما دے رمضاں میں شب انوار کے صدقے
کریمی تیری پنہاں ہے ھُوَ فِی شَان میں مولا
خطا میری چھپا دے رب ان ہی اسرار کے صدقے
فقط تو غافِرُ الذنبِ فقط تو قابلُ التوبہ
کریما بخش دے مجھ کو صفت غفّار کے صدقے
کرم تو تیری سنت ہے سخاوت تیری عادت ہے
تو مجھ سے در گزر فرما میرے سرکار کے صدقے
درودوں سے سلاموں سے نبیﷺ کی نعت پڑھتا ہوں
خدایا بخش دے مجھ کو نبی مختارﷺ کے صدقے
یہ حافؔظ خاطی و عاصی نبیﷺ کے در پہ آیا ہے
خدایا پھر کرم فرما شہِ ابرار کے صدقے
مقطع
(۱۳ رمضان ۱۴۳۸ھ، ۹ جون ۲۰۱۷ء)
Kalam Details
Bahr
Bahr-e-Hazaj Musamman Salim
Arkaan
مفاعیلن مفاعیلن مفاعیلن مفاعیلن
Radif
کے صدقے
Zameen
بحر: ہزج مثمن سالم؛ ردیف: کے صدقے
Sanf
نعت
Script
Urdu
Total Misra
15
Writer
Ibn-e-Khaleel Ahmad Miyan Hafiz Al-Barkati
Book
Hadaiq-e-Barakat