Naat
Khaak-e-watan Se Door Bala Lijiye Mujhe
خاکِ وطن سے دور بلا لیجئے مجھے
Urdu Kalam
مطلع
خاکِ وطن سے دور بلا لیجئے مجھے
طیبہ میں اب حضورﷺ بُلا لیجئے مجھے
لطفِ عمیم آپﷺ، رؤف و رحیم آپﷺ
میں ہُوں ہمہ قصور بلا لیجئے مجھے
خالی ز حُسن و کیف بہ ہر کیف ہے حیات
تا بزمِ رنگ و نور بلا لیجئے مجھے
مومن کی جان سے بھی زیادہ قریں ہیں آپ
کیا آپ سے ہے دُور بلا لیجئے مجھے
معراجِ دیدِ گنبدِ خضرٰی نصیب ہو
جانِ کلیمِ طُور بلا لیجئے مجھے
تیرِ حوادثات کی بارش ہے روز و شب
زیرِ ردائے نور بلا لیجئے مجھے
اے مستقل نشاط، ہمہ کیفِ سرمدی
تامنزلِ سُرور بلا لیجئے مجھے
مقطع
اے کارسازِ اخترِؔ محتاج و بے نوا
امسال تو ضرور بلا لیجئے مجھے!
Kalam Details
Bahr
Bahr-e-Muzare Musamman Akhrab Makfoof Mahzoof
Arkaan
مفعول فاعلاتُ مفاعیل فاعلن
Radif
بلا لیجئے مجھے
Zameen
بحر: مضارع مثمن اخرب مکفوف محذوف؛ ردیف: بلا لیجئے مجھے
Sanf
نعت
Script
Urdu
Total Misra
16
Writer
Syed Marghoob Akhtar Al-Hamidi
Book
Naat Mahal