Naat
Khalq Pe Lutf-e-Khuda Hazrat-e-usmaan Hain
خلق پہ لطفِ خدا حضرتِ عثمان ہیں
Urdu Kalam
مطلع
معروضہ ببارگاہ حضرت ذوالنورین امام المسلمین عثمان غنی
خلق پہ لطفِ خدا حضرتِ عثمان ہیں
جملہ مرض کی دوا درد کے درمان ہیں
دستِ شہ دوسَرا جو کہ یَدُ اللہ تھا
ہاتھ بنا آپ کا آپ وہ ذی شان ہیں
نورِ دل و عین ہیں صاحبِ نورین ہیں
سب کے دل کا چین ہیں مومنوں کی جان ہیں
گلشنِ دین کی بہار مومنوں کے تاجدار
عزتِ ہر ذی وقار زینتِ ایمان ہیں
آپ ممدوح جہاں خلقِ خدا مدح خواں
کیا ہے اگر بد گماں چند بے ایمان ہیں
حق نے وہ رتبہ دیا تم غنی ہم سب گدا
کیا کہوں میں تم ہو کیا عقل و دل حیران ہیں
جو ہیں امام انام جسکے ہم سب ہیں غلام
مرجع ہر خاص و عام حضرتِ عثمان ہیں
بابِ سخا کھل گیا دیکھا جو یہ ماجرا
غازیانِ مصطفیٰﷺ بے سر و سامان ہیں
تم غنی سالکؔ گدا اک نظر بہرِ خدا
مقطع
آپ جہاں کے لئے رحمتِ رحمان ہیں
Kalam Details
Bahr
Bahr-e-Munsarih Musamman Matwi Maksoof
Arkaan
مفتَعِلن فاعلن مفتَعِلن فاعلن
Radif
ہیں
Zameen
بحر: منسرح مثمن مطوی مکسوف؛ ردیف: ہیں
Sanf
منقبت
Script
Urdu
Total Misra
19
Writer
Mufti Ahmad Yar Khan Naeemi
Book
Diwan-e-Salik