Naat
Maayil Ba Karam Chashm Ziya Baar-e-Raza Hai
مائل بہ کرم چشم ضیا بارِ رضا ہے
Urdu Kalam
مطلع
منقبتِ اعلحٰضرت مجدّدِ دین و ملّت، امام احمد رضا خان بریلوی قُدِّسَ سِرّہ
مائل بہ کرم چشم ضیا بارِ رضا ہے
خدّام چلیں عرسِ پُر انوارِ رضا ہے
ہے اس کی دمک قاطع تاریکی باطِل
آئینۂ حق روئے ضیا بارِ رضا ہے
اس باغ کا ہر پھول ہے ہر دم تر و تازہ
گلزارِ اِرم گلشنِ بے خارِ رضا ہے
ضُو بار ہے مارہرۂ پُر نور کی مشعل
اللہ رے کیا رونقِ دربارِ رضا ہے
ایمان کی ہے بھیک ترے کاسۂ دل میں
کیا شان تِری سائلِ سرکارِ رضا ہے
فرقِ حق و باطل ہے عیاں آج جہاں پر
تو کلکِ رضا اصل ہیں تلوارِ رضا ہے
اختؔر تِری شہرت نہ ہو کیوں ملکِ سخن میں
مقطع
تو شاعرِ دربارِ پر انوارِ رضا ہے
Kalam Details
Bahr
Bahr-e-Hazaj Musamman Akhrab Makfoof Mahzoof
Arkaan
مفعول مفاعیل مفاعیل فعولن
Radif
رضا ہے
Zameen
بحر: ہزج مثمن اخرب مکفوف محذوف؛ ردیف: رضا ہے
Sanf
نعت
Script
Urdu
Total Misra
15
Writer
Syed Marghoob Akhtar Al-Hamidi
Book
Naat Mahal