Naat
Ae Madina Ke Tajdar Salaam
اے مدینہ کے تاجدار سلام
Urdu Kalam
مطلع
اے مدینہ کے تاجدار سلام
اے غریبوں کے غمگسار سلام
تری اک اک اَدا پر اے پیارے
سَو دُرودیں فدا ہزار سلام
رَبِّ سَلِّمْ کے کہنے والے پر
جان کے ساتھ ہو نثار سلام
میرے پیارے پہ میرے آقا پر
میری جانب سے لاکھ بار سلام
میری بگڑی بنانے والے پر
بھیج اے میرے کِردگار سلام
اُس پناہِ گناہ گاراں پر
یہ سلام اور کروڑ بار سلام
اُس جوابِ سلام کے صدقے
تا قیامت ہوں بے شمار سلام
اُن کی محفل میں ساتھ لے جائیں
حسرتِ جانِ بے قرار سلام
پردہ میرا نہ فاش حشر میں ہو
اے مرے حق کے راز دار سلام
وہ سلامت رہا قیامت میں
پڑھ لیے جس نے دل سے چار سلام
عرض کرتا ہے یہ حسنؔ تیرا
تجھ پہ اے خُلد کی بہار سلام
مقطع
ذوقِ نعت
Kalam Details
Bahr
Bahr-e-Khafeef Musaddas Makhboon Mahzoof
Arkaan
فاعلاتن مفاعلن فَعِلن
Radif
سلام
Zameen
بحر: خفیف مسدس مخبون محذوف؛ ردیف: سلام
Sanf
سلام
Script
Urdu
Total Misra
23
Writer
Maulana Hasan Raza Khan
Book
Zauq-e-Naat