Naat
Mahz Rukhsat Koona Dekho Azeemat Khoob Karne Do
محض رخصت کونہ دیکھو عزیمت خوب کرنے دو
Urdu Kalam
مطلع
محض رخصت کونہ دیکھو عزیمت خوب کرنے دو
سنو اب روح کو بھی تم ریاضت خوب کرنے دو
یہ لمحے زندگی کے اب تمہارے واسطے ہی ہیں
متاعِ زندگی سے اب تجارت خوب کرنے دو
انہیں کے واسطے ہی ہم بنے اور یہ جہاں آیا
فناوالوں بقا چاہو تو مدحت خوب کرنے دو
جو تعریفِ بقا چاہو، تو سن لو عشق والوں سے
رسولﷲ کی الفت ،محبت خوب کرنے دو
لٹا کر جان و دنیا ہم تمہارے واسطے آئے
نہ حائل ہو فرشتوں اب زیارت خوب کرنے دو
اشدّأ علی الکفار گر تم سے نہ ہو پائے
نہ روکو ظالموں ہم کو تو شدّت خوب کرنے دو
چلو مانا کہ ہم ہی ان کے اعداء سے الجھتے ہیں
ہمیں اپنے میں رہنے دو یہ فطرت خوب کرنے دو
امام احمد رضا کے مظہرِ کامل کا مصرع ہے
یہ شوقِ زندگی کیا ہے وہ رحلت خوب کرنے دو
بروز حشر وہ آئیں تو عاصی جھوم کر بولیں
ابھی جنت میں کیا جائیں زیارت خوب کرنےدو
چلو بخشیں شرف دل کو حرم کے خار مہماں ہوں
عجب صورت عجب معنیٰ میں دعوت خوب کرنے دو
مقطع
ارے فاراں ذرا مقطع سے پہلے دل کو سن لیتے
نہ روکو مدحت آقا کی کثرت خوب کرنے دو
Kalam Details
Bahr
Bahr-e-Ramal Musamman Salim
Arkaan
فاعلاتن فاعلاتن فاعلاتن فاعلاتن
Radif
خوب کرنے دو
Zameen
بحر: رمل مثمن سالم؛ ردیف: خوب کرنے دو
Sanf
نعت
Script
Urdu
Total Misra
22
Writer
Maulana Mufti Muhammad Faran Raza Khan
Book
Faran