Naat
Momin Woh Hai Jo Un Ki Izzat Pe Mere Dil Se
مومن وہ ہے جو اُن کی عزّت پہ مَرے دل سے
Urdu Kalam
مطلع
مومن وہ ہے جو اُن کی عزّت پہ مَرے دل سے
تعظیم بھی کرتا ہے نجدی تو مَرے دل سے
واللہ وہ سن لیں گے فریاد کو پہنچیں گے
اتنا بھی تو ہو کوئی جو آہ کرے دل سے
بچھڑی ہے گلی کیسی بگڑی ہے بنی کیسی
پوچھو کوئی یہ صدمہ ارمان بھرےدل سے
کیا اس کو گرائے دہر جس پر تو نظر رکھے
خاک اُس کو اٹھائے حشر جو تیرے گرے دل سے
بہکا ہے کہاں مجنوں لے ڈالی بنوں کی خاک
دم بھر نہ کیا خیمہ لیلیٰ نے پَرے دل سے
سونے کو تپائیں جب کچھ مِیل ہو یا کچھ مَیل
کیا کام جہنّم کے دھرے کو کھرے دل سے
آتا ہے درِ والا یوں ذوقِ طواف آنا
دل جان سے صدقے ہو سر گِرد پھرے دل سے
اے ابرِ کرم فریاد فریاد جلا ڈالا
اس سوزشِ غم کو ہے ضد میرے ہرے دل سے
دریا ہے چڑھا تیرا کتنی ہی اڑائیں خاک
اتریں گے کہاں مجرم اے عفو ترے دل سے
کیا جانیں یمِ غم میں دل ڈوب گیا کیسا
کس تہ کو گئے ارماں اب تک نہ ترے دل سے
کرتا تو ہے یاد اُن کی غفلت کو ذرا رو کے
للہ رؔضا دل سے ہاں دل سے ارےدل سے
مقطع
حدائقِ بخشش
Kalam Details
Bahr
Bahr-e-Hazaj Musamman Akhrab Salim
Arkaan
مفعول مفاعیلن مفعول مفاعیلن
Radif
سے
Zameen
بحر: ہزج مثمن اخرب سالم؛ ردیف: سے
Sanf
نعت
Script
Urdu
Total Misra
23
Writer
Aala Hazrat Imam Ahmad Raza Khan
Book
Hadaiq-e-Bakhshish