Naat
Mubarak Ho Nabi Anbiya Tashreef Le Aaye
مبارک ہو نبی الانبیاﷺ تشریف لے آئے
Urdu Kalam
مطلع
مبارک ہو نبی الانبیاﷺ تشریف لے آئے
مبارک ہو شہِ مشکل کشاﷺ تشریف لے آئے
مبارک شافع روزِ جزاﷺ تشریف لے آئے
مبارک دافع کرب و بلاﷺ تشریف لے آئے
مبارک ہو کہ محبوب خداﷺ تشریف لے آئے
مبارک ہو محمد مصطفیٰﷺ تشریف لے آئے
سراپا ظل ذاتِ کبریاﷺ نے جلوہ فرمایا
سراسر پیکرِ نور خداﷺ نے جلوہ فرمایا
حبیب خالق ارض و سماﷺ نے جلوہ فرمایا
وہ یعنی مالکِ ہر دوسراﷺ نے جلوہ فرمایا
مبارک ہو کہ محبوب خداﷺ تشریف لے آئے
مبارک ہو محمد مصطفیٰﷺ تشریف لے آئے
چراغِ بزم امکاں رونق دنیا و دیںﷺ آئے
وہ شمع لامکاںﷺ وہ زینتِ عرش بریںﷺ آئے
انیس الہالکیں راحتہً للعاشقینﷺ آئے
شفیع المذنبین رحمتہ للعالمینﷺ آئے
مبارک ہو کہ محبوب خداﷺ تشریف لے آئے
مبارک ہو محمد مصطفیٰﷺ تشریف لے آئے
مرے آقا مرے سرور مرے سردارﷺ آپہنچے
مرے مولیٰ مرے رہبر مرے سرکارﷺ آپہنچے
مرے ہادی السبل کونین کے مختارﷺ آپہنچے
شہنشاہِ رُسل آئے شہِ ابرارﷺ آپہنچے
مبارک ہو کہ محبوب خداﷺ تشریف لے آئے
مبارک ہو کہ محمد مصطفیٰﷺ تشریف لے آئے
مبارک ہو یتیموں کو، فقیروں کو مبارک ہو
مبارک ہو غریبوں کو، غلاموں کو مبارک ہو
مبارک بے بسوں کو، کس مپرسوں کو مبارک ہو
مبارک بے کسوں کو، بے نواؤں کو مبارک ہو
مبارک ہو کہ محبوب خداﷺ تشریف لے آئے
مبارک ہو محمد مصطفیٰﷺ تشریف لے آئے
سلاطین زمانہ، دامن امید پھیلائیں
حضورِ شہ سرافرزانِ عالم التجا لائیں
خبر دو تاجداروں کو سلامی کےلئے لائیں
شہنشاہوں سے کہہ دو ہاں مبارکبادیاں گائیں
مقطع
مبارک ہو کہ محبوبِ خداﷺ تشریف لے آئے
مبارک ہو محمد مصطفیٰﷺ تشریف لے آئے
Kalam Details
Bahr
Bahr-e-Hazaj Murabba Mahzoof Muzaaf
Arkaan
مفاعیلن فعولن مفاعیلن فعولن
Radif
تشریف لے آئے
Zameen
بحر: ہزج مربع محذوف مضاعف؛ ردیف: تشریف لے آئے
Sanf
نعت
Script
Urdu
Total Misra
36
Writer
Mufti Muhammad Khaleel Barkati
Book
Jamal-e-Khaleel