Naat
Nausha Ki Kab Aati Hai Sawari
نوشہ کی کب آتی ہے سواری
Urdu Kalam
مطلع
ظہورِ قدسی
نوشہ کی کب آتی ہے سواری
ہے سب کی زبانِ دل پہ جاری
وا، سب کی ہیں بیقرار آنکھیں
دولہا پہ ہوں کب نثار آنکھیں
تارے ہیں جھکے زمیں کی جانب
دیدار کا ماہتاب طالب
اشجار بھی سرو قد کھڑے ہیں
خاموش، ادب سے سر جھکے ہیں
نرگس کی کھلی ہوئی ہیں آنکھیں
شبنم سے دُھلی ہوئی ہیں آنکھیں
ہیں چشم براہ غنچہ و گل
قمری ہے خموش، چپ ہے بُلبل
دولہا کی سواری کب ہے آتی
بیتاب کھڑا ہے ہر براتی
انگڑائیاں رات لے رہی ہے
کچھ شب ہے تو کچھ سحرا بھی ہے
دنیا پہ ہے اِک سکوت طاری
مائل ہوا لطفِ خاص باری
ہے اَوج پر کوکبِ دو شنبہ
آئی سحرِ شبِ دو شنبہ
وہ مرغ، وہ جبرئیل انور
پَر آمنہ کے شکم سے مَل کر
کرنے لگے با ادب گزارش
ہو ابرِ کرم، کرم کی بارش
کونین کی بزم سج چکی ہے
جلوے کو نظر ترس رہی ہے
یاسید المرسلینﷺ، اظہر
یارحمتِ عالمینﷺ، اظہر
پردے سے حضورﷺ باہر آئیں
بیتاب ہیں منتظر نگاہیں
باجاہ و حشم، باشان و شوکت
مقطع
ظاہر ہوئے سرورِ رسالتﷺ
Kalam Details
Bahr
Bahr-e-Mutaqarib Murabba Aslam Salim Muzaaf
Arkaan
فِعْلن فعولن فِعْلن فعولن
Radif
بے ردیف
Zameen
بحر: متقارب مربع اثلم سالم مضاعف؛ ردیف: بے ردیف
Sanf
نعت
Script
Urdu
Total Misra
33
Writer
Syed Marghoob Akhtar Al-Hamidi
Book
Naat Mahal