Naat
Sawaad-e-Shab Mein Mile, Matla-e-sahar Mein Mile
سوادِ شب میں ملے، مطلعِ سحر میں ملے
Urdu Kalam
مطلع
سوادِ شب میں ملے، مطلعِ سحر میں ملے
تم اے جمالِ خدا شمس میں قمر میں ملے
گدا نوازئ محبوب اور کیا ہوگی
وہ دیکھنے سے بھی پہلے مجھے نظر میں ملے
ہے ایک جاں سے قریں اک رگِ گلو کے قریب
تلاش جن کی تھی باہر، مجھے وہ گھر میں ملے
تھی قدسیوں کی جبیں کی چمک دمک جن میں
نشان ایسے بھی طیبہ کی رہگذر میں ملے
تلاشِ منزلِ اوجِ نبیﷺ بھی کیا شَے ہے
شریک آدم و عیسٰی بھی اس سفر میں ملے
جو آپ عین خبر ہے وہ مبتدا تم ہو
وہ تم خبر ہو کہ خود مبتدا خبر میں ملے
وہ خارِ دشتِ حرم لے اُڑے ہوا جس کو
الہٰی کاش وہ میرے دل و جگر میں ملے
مقطع
ہے اب حضورﷺ کا در اور اختؔر سائل
بھلا کسی سے طلب کیوں کروں جو گھر میں ملے
Kalam Details
Bahr
Bahr-e-Mujtass Musamman Makhboon Mahzoof
Arkaan
مفاعلن فَعِلاتن مفاعلن فَعِلن
Radif
میں ملے
Zameen
بحر: مجتث مثمن مخبون محذوف؛ ردیف: میں ملے
Sanf
نعت
Script
Urdu
Total Misra
16
Writer
Syed Marghoob Akhtar Al-Hamidi
Book
Naat Mahal