Naat

Syed Almrsleen Hai Tera Martaba, Ya Nabi Mustafa Ya Nabi Mustafa

سید المرسلیں ہے ترا مرتبہ، یا نبی مصطفیٰ یا نبی مصطفیٰﷺ

Urdu Kalam

مطلع

سید المرسلیں ہے ترا مرتبہ، یا نبی مصطفیٰ یا نبی مصطفیٰﷺ

مجھ سے کیا ہوسکے تیری مدح و ثناء یا نبی مصطفیٰ یا نبی مصطفیٰﷺ

مِلکِ تو فرش تا اوجِ عرشِ عُلی یا نبی مصطفیٰ یا نبی مصطفیٰﷺ

بر سرت تاجِ سلطانئ ہَل اتیٰ، یا نبی مصطفیٰ یا نبی مصطفیٰﷺ

ہیں نجی و مسیح و کلیم و خلیل، آپ کی ذاتِ اجمل کا عکسِ جمیل

آپ سر تا پا مطلق جمالِ خدا، یا نبی مصطفیٰ یا نبی مصطفیٰﷺ

آپ کے عارضِ پاک صلِّ علیٰ‘ ایک واشّمس ہے دوسرا ولضحے

برقِ نوری صفت، طورِ طٰہٰ نما، یا نبی مصطفیٰ یا نبی مصطفیٰﷺ

آپ کی مِلک ہیں آسمان و زمیں، آپ ہیں نائبِ احکم الحاکمیں

جس کو جو کچھ ملا آپ ہی سے ملا، یا نبی مصطفیٰ یا نبی مصطفیٰﷺ

لیلۃ القدر ہوئے زلفِ دوتا مطلع الفجر رخسار کی ہر ضیا

حُسن کی جان ہیں آپ سرتابہ پا، یا نبی مصطفیٰ یا نبی مصطفیٰﷺ

قصّہ طور و معراج کیا خوب ہے، دوست ھے، دوست‘ محبوب محبوب ہے

وہ کلیم خدا، تم حبیب ِ خدا، یا نبی مصطفیٰ یا نبی مصطفیٰﷺ

زلفِ مشکیں تِری ابرِ لاَتَقْنَطُوا، تیرے اَبرُو ہیں قَوسَین کی آبرو

چشمِ مَازَاغ، تابِ نظر ماطغٰے، یا نبی مصطفیٰ یا نبی مصطفیٰﷺ

تابہ حدِّ نظر نوری نور ہے، ہر کلی مَست ہر پُھول مخمور ہے

وجد میں گنگناتی ہے بادِ صبا، یا نبی مصطفیٰ یا نبی مصطفیٰﷺ

تجھ سے ہے چاند تاروں میں تابندگی، زندگی میں ترے دم سے ہے زندگی

یعنی جاں آفریں ہے تِری ہر ادا، یا نبی مصطفیٰ یا نبی مصطفیٰﷺ

مقطع

مضطرب بارِ افکار سے روح ہے، قلب تیرِ حوادث سے مجروح ہے

اِک نظر جانبِ اختؔرِ بے نوا، یا نبی مصطفیٰ یا نبی مصطفیٰﷺ

Bahr Bahr-e-Mutaqarib Musamman Salim Muzaaf

Arkaan فعولن فعولن فعولن فعولن فعولن فعولن فعولن فعولن

Radif نبی مصطفی یا نبی مصطفی

Zameen بحر: متقارب مثمن سالم مضاعف؛ ردیف: نبی مصطفی یا نبی مصطفی

Sanf نعت

Script Urdu

Total Misra 22

Writer Syed Marghoob Akhtar Al-Hamidi

Book Naat Mahal

Category Naat

Topics Naat