Naat

Woh Meri Jaan Bhi Jaan Ki Jaan Bhi Mera Imaan Bhi Rooh Imaan Bhi

وہ مری جان بھی جان کی جان بھی میرا ایمان بھی روح ایمان بھی

Urdu Kalam

مطلع

وہ مری جان بھی جان کی جان بھی میرا ایمان بھی روح ایمان بھی

مہبط وحئی آیات قرآن بھی اور قرآن بھی روح قرآن بھی

نور و بشریٰ کا یہ امتزاج حسیں جیسے انگشتری میں چمکتا نگیں

عالم نور میں نور رحمٰن بھی عالم اِنس میں پیک انسان بھی

نے نبیﷺ کو ملی وسعتِ دم زدن نہ ملک کی زباں کو مجال سخن

لی مَعَ اللہ وَقتٌ سے ظاہر ہوا ہے تمہارے لئے ایک وہ آن بھی

مجھ سے مت پوچھ معراج کا واقعہ ہے مشیت کے رازوں کا اِک سلسلہ

دل کو ان کی رسائی پہ ایمان بھی عقل ایسی رسائی پہ حیران بھی

کیا بتاؤں قیامت کا میں ماجرا رحمتوں غفلتوں کا ہے اک معرکہ

دل کو ان کی شفاعت پہ ایمان بھی عقل اپنے کئے پر پشیمان بھی

ناز سے اک دن آپ نے یہ کہا یہ بتا طائر سدرۃالمنتہیٰ

ہے ترے سامنے عالم کن فکاں تو نے پائی کسی میں مری شان بھی

بولے یہ حضرت جبرائیل امیں  اے نگاہ مشیت کے زہرہ جبیں

ہوتر امثل کوئی، کبھی اور کہیں رب نے رکھا نہیں اس کا امکان بھی

مقطع

ان کی رحمت یہ اخؔتر دل و جاں فدا جن کو کہتا ہے سارا جہاں مصطفیٰﷺ

گو میری زندگی ان سے غافل رہی وہ نہ غافل رہے مجھ سے اک آن بھی

Bahr Bahr-e-Mutaqarib Musamman Salim Muzaaf

Arkaan فعولن فعولن فعولن فعولن فعولن فعولن فعولن فعولن

Radif بھی

Zameen بحر: متقارب مثمن سالم مضاعف؛ ردیف: بھی

Sanf نعت

Script Urdu

Total Misra 16

Writer Huzoor Syed Muhammad Madani Ashrafi Jilani

Book Tajalliyat-e-Sukhan

Category Naat

Topics Naat