Naat
Zaban Pe Is Liye Salli-e-Ali Be Ikhtiyar Aaya
زباں پہ اس لیے صلِّ علیٰ بے اختیار آیا
Urdu Kalam
مطلع
زباں پہ اس لیے صلِّ علیٰ بے اختیار آیا
کہ دل میں نام پاک سیّدِ عالی وقار آیا
جہاں میں جس گھڑی وہ رحمتِ پروردگار آیا
غریبی جی اُٹھی، لیجیے غریبوں کا وہ یار آیا
سلاطیں سر بسجدہ ہوں گے جس کے آستانے پر
دو عالم کا وہ ملجا اور ماویٰ شہرِیار آیا
نہ میں دوزخ سے خائف ہوں نہ میں خواہاں ہوں جنّت کا
مجھے تو مل گیا سب کچھ جب آقا کا دیار آیا
فدا لاکھوں خرد ایسے جنونِ ہوش پرور پر
ادب سے سر بسجدہ جب کوئے یار آیا
جہنّم کی تپش سے سینئہ گستاخ بریاں ہے
کہ اس کو یارسول اللہ سنتے ہی بخار آیا
جو اپنی معصیت کی لذّتوں میں مست و غافل تھا
کھلی اُس وقت آنکھیں جس گھڑی روزِ شمار آیا
سرِ محشر عجب ہنگامئہ نفسی بپا دیکھا
تلاشِ یار میں ہر اک نفس با حالِ زار آیا
سِوا اُن کے کِسے جراءت ہے، یااللہ کہنے کی
جو آیا یارسول اللہ کی کرتا پُکار آیا
پریشاں تھا کہ زیرِ عرش سجدہ میں نظر آئے
بڑی مشکل سے دل کی بے قراری کو قرار آیا
وہ مشکیں عنبریں گیسو رُخِ انور کے وہ جلوے
انھی کے واسطے واللّیل آیا والنّھار آیا
مقطع
مِری قسمت بھی کُھل جائے جو وہ محشر میں فرما دیں
کہ یہ بُرہانؔ رضوی ایک میرا جانثار آیا
Kalam Details
Bahr
Bahr-e-Hazaj Musamman Salim
Arkaan
مفاعیلن مفاعیلن مفاعیلن مفاعیلن
Radif
آیا
Zameen
بحر: ہزج مثمن سالم؛ ردیف: آیا
Sanf
درود و سلام
Script
Urdu
Total Misra
24
Writer
Burhan-e-Millat Burhan-ul-Haq Jabal Puri
Book
Jazbat-e-Burhan
Category
Naat
Topics
Durood-o-Salaam