Naat
Zehe Bakht Mil Jaaye Woh Aastana
زہے بخت مل جائے وہ آستانہ
Urdu Kalam
مطلع
زہے بخت مل جائے وہ آستانہ
جہاں جھک گئی ہے جبین زمانہ
جہاں کا مکیں ہو مرا کملی والا
وہیں پر الٰہی ہو ختم فسانہ
نہیں ہوں طلب گار انداز زاہد
ہمارا ہو ہر اک قدم حیدرانہ
فلک کو بھی روند آئے میرا نصیبہ
تراگر اشارہ ہو شاہِ زمانہ
فراق محمدﷺ میں آنسو بہا کر
مجھے آگیا دائمی مسکرانہ
ترے دست پہ چشم تشنہ لباں ہے
ادھر ساقیا جامِ رنگیں بڑھانا
ترے اک اشارے پہ ہو جائے آساں
خطر ناک طوفان سے کھیل جانا
زباں ہے میری خوگر نعت احمد
یہی ہے ہمارے لبوں کا ترانا
مقطع
اے اخؔتر چلے آؤ طیبہ کی جانب
خدا کا کرم چاہتا ہے بہانہ
Kalam Details
Bahr
Bahr-e-Mutaqarib Musamman Salim
Arkaan
فعولن فعولن فعولن فعولن
Radif
بے ردیف
Zameen
بحر: متقارب مثمن سالم؛ ردیف: بے ردیف
Sanf
نعت
Script
Urdu
Total Misra
18
Writer
Huzoor Syed Muhammad Madani Ashrafi Jilani
Book
Tajalliyat-e-Sukhan