Naat
Khuda Ki Khalq Mein Sab Ambiya Khaas
خدا کی خلق میں سب انبیا خاص
Urdu Kalam
مطلع
خدا کی خلق میں سب انبیا خاص
گروہِ انبیا میں مصطفےٰ خاص
نرالا حُسنِ انداز و اَدا خاص
تجھے خاصوں میں حق نے کر لیا خاص
تری نعمت کے سائل خاص تا عام
تری رحمت کے طالب عام تا خاص
شریک اُس میں نہیں کوئی پیمبر
خدا سے ہے تجھ کو واسطہ خاص
گنہگارو! نہ ہو مایوسِ رحمت
نہیں ہوتی کریموں کی عطا خاص
گدا ہوں خاص رحمت سے ملے بھیک
نہ میں خاص اور نہ میری اِلتجا خاص
ملا جو کچھ جسے وہ تم سے پایا
تمھیں ہو مالکِ مُلکِ خدا خاص
غریبوں بے نواؤں بے کسوں کو
خدا نے در تمہارا کر دیا خاص
جو کچھ پیدا ہوا دونوں جہاں میں
تصدق ہے تمہاری ذات کا خاص
تمہاری انجمن آرائیوں کو
ہوا ہنگامۂ قَالُوْا بَلٰی خاص
نبی ہم پایہ ہوں کیا تو نے پایا
نبوت کی طرح ہر معجزہ خاص
جو رکھتا ہے جمالِ مَنْ رَّاٰنِیْ
اُسی منہ کی صفت ہے وَالضُّحٰی خاص
نہ بھیجو اور دروازوں پر اِس کو
حسنؔ ہے آپ کے در کا گدا خاص
مقطع
ذوقِ نعت
Kalam Details
Bahr
Bahr-e-Hazaj Musaddas Mahzoof
Arkaan
مفاعیلن مفاعیلن فعولن
Radif
خاص
Zameen
بحر: ہزج مسدس محذوف؛ ردیف: خاص
Sanf
نعت
Script
Urdu
Total Misra
27
Writer
Maulana Hasan Raza Khan
Book
Zauq-e-Naat