Naat
Zindagi Hum Ko Mili Sarwar-e-zeeshaan Ke Tufail
زندگی ہم کو ملی سرورِ ذیشاںﷺ کے طفیل
Urdu Kalam
مطلع
زندگی ہم کو ملی سرورِ ذیشاںﷺ کے طفیل
یہ بہاریں ہیں اسی جانِ بہاراںﷺ کے طفیل
پھول ہنستے ہیں تمہارے لبِ خنداں کے طفیل
جگمگاتے ہیں ستارے درِ دنداں کے طفیل
شب مہک بار ہے زلفِ شہِ دوراںﷺ کے طفیل
مہر درکف ہے سحر، عارضِ تاباں کے طفیل
آپﷺ کی ذات ہُوَاللہُ اَحَد کی ہے دلیل
رب کا عرفان ہوا آپﷺ کے عرفاں کے طفیل
بقعۂ نور ہے ہر گوشۂ ایوانِ حیات
بدر کے چاند ترے روئے درخشاں کے طفیل
نامِ نامی ہے سرِ لوحِ کتابِ ہستی
زندگی ہوگئی اَنمول اِسی عنواں کے طفیل
نہیں شکوہ مجھے اب بے سر و سامانی کا
بخدا تِری تمنّا، تِرے اَرماں کے طفیل
صدقے ہو کر تِری زلفوں پہ برستی ہے گھٹا
ابر اٹھتا ہے ترے سایۂ داماں کے طفیل
مقطع
شاعرِ بزمِ رسالتﷺ ہے خطابِ اختؔر
یہ اُسے اَوج مِلا حضرتِ حسّاں کے طفیل
Kalam Details
Bahr
Bahr-e-Ramal Musamman Salim Makhboon Mahzoof
Arkaan
فاعلاتن فَعِلاتن فَعِلاتن فَعِلن
Radif
کے طفیل
Zameen
بحر: رمل مثمن سالم مخبون محذوف؛ ردیف: کے طفیل
Sanf
نعت
Script
Urdu
Total Misra
18
Writer
Syed Marghoob Akhtar Al-Hamidi
Book
Naat Mahal