Naat
Dar-e-Huzoor Tadllaaee Waqaar Kya Kehna
درِ حضورﷺ تَدلّٰی وقار کیا کہنا
Urdu Kalam
مطلع
درِ حضورﷺ تَدلّٰی وقار کیا کہنا
نشانِ عظمتِ پروردگار کیا کہنا
فراقِ شہ میں ہے دل خلد زار کیا کہنا
ہے داغ داغ چمن در کنار کیا کہنا
نبیﷺ کی یاد! میں تیرے نثار کیا کہنا
نَفَس نَفَس ہے دلِ بیقرار کیا کہنا
خیالِ زلف و رُخِ نور بار کیا کہنا
رہیں یہی مرے لیل و نہار کیا کہنا
سرورِ بادۂ رحمت میں غرق ہے ہستی
شرابِ عشقِ نبیﷺ کا خمار کیا کہنا
خدا نے دردِ فراقِ نبیﷺ کی صورت میں
مجھے یاد ہے مجسّم قرار کیا کہنا
پیامِ رحمت و بخشش ہے ہر اشارے میں
نگاہِ شافعِ روزِ شمارﷺ کیا کہنا
فرشتے بہرِ سلامی ہیں صف بہ صف حاضِر
درِ حضورﷺ ہے عرش اقتدار کیا کہنا
مقطع
حضورِ احمدِ مختارﷺ سَر نہادہ ہے
وقارِ اختؔرِ گردوں وقار کیا کہنا
Kalam Details
Bahr
Bahr-e-Hazaj Musamman Akhrab Akhram Abtar
Arkaan
مفعول مفاعیلن مفعولن فِع
Radif
کیا کہنا
Zameen
بحر: ہزج مثمن اخرب اخرم ابتر؛ ردیف: کیا کہنا
Sanf
نعت
Script
Urdu
Total Misra
18
Writer
Syed Marghoob Akhtar Al-Hamidi
Book
Naat Mahal