Naat
Jis Se Tum Rootho Woh Brgsht-e-duniya Ho Jaaye
جس سے تم روٹھو وہ برگشتۂ دنیا ہو جائے
Urdu Kalam
مطلع
جس سے تم روٹھو وہ برگشتۂ دنیا ہو جائے
تم جسے چاہو وہ قطرہ ہو تو دریا ہو جائے
اُن کی دہلیز پہ رکھ دوں تو جبیں پھر نہ اٹھے
عالمِ شوق میں ایسا کوئی سجدہ ہو جائے
قہر سے دیکھو تو شاداب چمن جل جائے
مسکرادو تو مِری خاک بھی زندہ ہو جائے
جس پہ تم ڈال دو خوش ہو کے نگاہِ رحمت
اوج پر اس کے مقدر کا ستارا ہو جائے
اے خوشا بخت کہ جب موت کی ہچکی آئے
نور والے تِرے جلووں کا نظارا ہوجائے
چاہنے والے ہی دنیا میں رہیں خانہ خراب
آپ اگر چاہیں تو یہ غم بھی گوارا ہو جائے
مقطع
دیکھیے ڈوب ہی جائے نہ بے چارہ ارؔشد
اب تو سرکارِ مدینہ سے اشارا ہو جائے
Kalam Details
Bahr
Bahr-e-Ramal Musamman Makhboon Mahzoof Maqtoo
Arkaan
فاعلاتن فَعِلاتن فَعِلاتن فِعْلن
Radif
ہو جائے
Zameen
بحر: رمل مثمن مخبون محذوف مقطوع؛ ردیف: ہو جائے
Sanf
نعت
Script
Urdu
Total Misra
14
Writer
Allama Arshad Al-Qadri
Book
Izhar-e-Aqeedat