Yaad Mein Jis Ki Nahin Hosh-e-tan O Jaan Hum Ko

Der Se Aap Mein Aana Nahin Milta Hai Hamein
Kya Hi Khud Rafta Kya Jalwa-e-Janan Hum Ko

Jis Tabassum Ne Gulistan Pe Giraaee Bijli
Phir Dikha De Woh Adaa Gul-e-khandaan Hum Ko

Kaash Aaweza-e-qindeel-e-Madina Ho Woh Dil
Jis Ki Sozish Ne Kya Rashk-e--e-Charaghan Hum Ko

Arsh Jis Ki-e-raftar Ka Pamal Hua
Do Qadam Chal Ke Dikha Sarv-e-khiraamaan Hum Ko

Shama-e-Taiba Se Mein Parwana Rahun Kab Tak Door
Han Jila De Sharar-e-Aatish-e-pinhan Hum Ko

Khauf Hai Sama Kharaashee-e-Sag-e-Taiba Ka
Warna Kya Yaad Nahin Naala-e-o Afghaan Hum Ko

Khaak Ho Jaayein Dar-e-paak Pe Hasrat Mit Jaaye
Ya Ilahi! Na Phira Be Sar O Samaan Hum Ko

Khaar-e-sahra-e-Madina Na Nikal Jaaye Kahein
Wahshat-e-dil Na Phira Koh O Biyaban Hum Ko

Tang Aaye Hain Do Aalam Teri Be Taabee Se
Chain Lene De Tap-e-Seena-e--e-sozaan Hum Ko

Paon Gharbaal Hue Raah-e-Madina Na Mili
Ae Junoon Ab To Mile Rukhsat-e-zindaan Hum Ko

Mere Har Zakhm-e-Jigar Se Yeh Niklatee Hai Sada
Ae Maleeh-e-Arabi Kar De Namak Daan Hum Ko

Seer-e-gulshan Se Aseeraan-e-qafas Ko Kya Kaam
Na De Takleef Chaman Bulbul-e-bustaan Hum Ko

Jab Se Aankhon Mein Samaaee Hai Madine Ki Bahaar
Nazar Aate Hain Khizaan Deeda-e-gulistan Hum Ko

Gar Lab-e-paak Se Iqraar-e-Shafaat Ho Jaaye
Yun Na Be Chain Rakhay Joshish-e-isyan Hum Ko

Nayyar-e-Hashr Ne Ek Aag Laga Rakhi Hai!
Teez Hai Dhoop Mile Saya-e-daman Hum Ko

Raham Farmaiye Ya Shah! Ke Ab Taab-e- Nahin
Taabke Khoon Rulaae Gham-e-hijraan Hum Ko

Chaak Daman Mein Na Thak Jaaiyo, Ae Dast-e-junoon!
Purze Karna Hai Abhi Jaib O Gireban Hum Ko

Parda Us Chehra-e--e-Anwar Se Utha Kar Ek Baar
Apna Aaina-e-bana, Ae Mah-e-kar! Hum Ko

Ae Raza! Wasf-e-rukh-e-paak Sunaane Ke Liye
Nazr Dete Hain Chaman Murg-e-ghazal Khwan Hum Ko