Naat
Aa Gaya Roz-e-Eid-e-wisaal-e-Habib, Muzhda Ae Meegsaaraan-e-Ahmad Raza
آگیا روزِ عیدِ وصالِ حبیب، مثردہ اے مَیگسارانِ احمد رضا
Urdu Kalam
مطلع
منقبتِ امامِ اہلسنّت، مجدّدِ دین و ملّت فاضلِ بریلوی قدس سِرّہ
آگیا روزِ عیدِ وصالِ حبیب، مثردہ اے مَیگسارانِ احمد رضا
پینے والوں کی خود جستجو میں ہے آج، جامِ صہبائے عرفانِ احمد رضا
پھر بریلی کی جانب سے بادل اُٹھے، ہو مبارک غلامانِ احمد رضا
اہلِ سنت پہ ہونے لگی جھوم کر بارشِ خاص فیضانِ احمد رضا
عشقِ ماہِ مدینہ کے انوار کا، چاند روئے درخشانِ احمد رضا
مصطفیٰﷺ کی محبت کا ہے آئینہ، عکسِ رخسارِ تابانِ احمد رضا
مِل رہا ہے شہِ دیں کا صدقہ یہاں، بٹ رہا ہے مدینے کا باڑا یہاں
نعمتِ عشقِ محبوب سے لے چلو، بھر کے جھولی گدایانِ احمد رضا
اہلِ سنت کا ہے خلد برکف چمن، کیوں اٹھائیں بھلا ہم خزاں کے مِحَن
نگہتِ عشقِ گلزارِ محبوب سے، ہے معطّر گلستانِ احمد رضا
عَلَمِ عظمتِ شاہِ دیں کو لئے، اللہ اللہ وہ معرکے سَر کئے
مصطفیٰﷺ کی وِلا کا نشاں بن گیا، پرچمِ عزت و شانِ احمد رضا
ذاتِ والا ہے سر تا پا بحر العلوم، اک عجم کیا زمانے میں ہے جس کی دھوم
خود عرب کے افاضِل نے اسناد لیں‘ اللہ اللہ یہ شانِ احمد رضا
جلوۂ مصطفیٰﷺ ہے نظر سے قریب، عام ہے دعوتِ سوزِ عشق حبیب
کس قدر اَوج پر ہے ہمارا نصیب‘ ہم ہوئے آج مہمانِ احمد رضا
تابہ کئے یہ خلش اور دردِ جگر، تابہ کَے ٹھوکریں کھاؤں میں دَر بہ دَر
مقطع
ہو گنہگار اختؔر پہ آقا نظر، ہوں غلامِ غلامانِ احمد رضا
Kalam Details
Bahr
Bahr-e-Ghair Mutayyan
Arkaan
غیر متعین ارکان
Radif
احمد رضا
Zameen
بحر: نامعلوم بحر؛ ردیف: احمد رضا
Sanf
حمد
Script
Urdu
Total Misra
19
Writer
Syed Marghoob Akhtar Al-Hamidi
Book
Naat Mahal