Al-aman Qahr Hai Ae Ghaus Woh Teekhaa Tera

Baadlon Se Kahein Ruktee Hai Karkatee Bijli
Dhaalen Chhant Jaati Hain Uthtaa Hai Jo Teghaa Tera

Aks Ka Dekh Ke Munh Aur Bhapar Jata Hai
Chaar Aaina-e-ke Bal Ka Nahin Nezaa Tera

Koh Sarmukh Ho To Ek Waar Mein Do Par Kale
Hath Parta Hi Nahin Bhool Ke Ochhaa Tera

Is Pe Yeh Qahr Ke Ab Chand Mukhalif Tere
Chahte Hain Ke Ghata Dein Kahein Paya Tera

Aql Hoti To Khuda Se Na Laraaee Letay
Yeh Ghataein, Isay Manzoor Barhaanaa Tera

Warfainaa Laka Zikruka Ka Hai Saya Tujh Par
Bol Bala Hai Tera Zikr Hai Ooncha Tera

Mit Gaye Mitte Hain Mit Jaayein Ge Aada Tere
Na Mita Hai Na Mite Ga Kabhi Charcha Tera

To Ghataae Se Kisi Ke Na Ghata Hai Na Ghate
Jab Barhaae Tujhe Allah Ta'ala Tera

Sum-e-qaatil Hai Khuda Ki Qasam Un Ka Inkar
Munkar-e-Fazl-e-Huzoor Aah Yeh Likha Tera

Mere Siyaaf Ke Khanjar Se Tujhe Baak Nahin
Cheer Kar Dekhay Koi Aah Kaleja Tera

Ibn-e-zahraa Se Tere Dil Mein Hain Yeh Zehar Bhare
Bal Be O Munkar-e-be Baak Yeh Zahraa Tera

Baaz-e-ashhab Ki Ghulamai Se Yeh Aankhein Phirnee
Dekh Ur Jaaye Ga Imaan Ka Totaa Tera

Shaakh Par Baith Ke Jur Katne Ki Fikr Mein Hai
Kahein Neechaa Na Dikhaye Tujhe Shajraa Tera

Haq Se Bad Ho Ke Zamane Ka Bhala Banta Hai
Are Mein Khoob Samajhta Hoon Mu'amma Tera

Sag-e-dar Qahr Se Dekhay To Bikhrataa Hai Abhi
Band Band-e-Badan Ae Ro Ba-e-duniya Tera

Gharaz Aaqa Se Karun Arz Ke Teri Hai Panah
Banda-e-majboor Hai Khatir Pe Hai Qabza Tera

Hukm Nafiz Hai Tera Khaama Tera Saif Teri
Dam Mein Jo Chahay Kare Door Hai Shaha Tera

Jis Ko Lalkaar De Aata Ho To Ulta Phir Jaaye
Jis Ko Chamkaar Le Har Phir Ke Woh Tera Tera

Kunjiyaan Dil Ki Khuda Ne Tujhe Dein Aisi Kar
Ke Yeh Seena-e- Ho Mohabbat Ka Khazeena Tera

Dil Pe Kanda Ho Tera Naam Ke Woh Duzd-e-rajeem
Ulte Hi Paon Phiray Dekh Ke Tughra Tera

Naza Mein, Gor-e- Mein, Meezaan Pe, Sar-e-Pul Pe Kahein
Na Chhutay Hath Se Daaman-e--e-Mualla Tera

Dhoop Mahshar Ki Woh Jaan Soz Qiyamat Hai Magar
Mutamain Hoon Ke Mere Sar Pe Hai Pila Tera

Bahjat Us Sar Ki Hai Jo ’’bahajattat Ya‘‘ Mein Hai
Ke Falak Waar Mureedon Pe Hai Saya Tera

Ae Raza! Cheesat Gham Ar Jumla Jahan Dushman-e-Tust
Karda Umm Maamin-e-khud Qibla-e-haajaate Ra