Naat
Bihisht-e-kooch-e-nazar Hai Bahaar-e-nazar
بہشتِ کوچۂ نظر ہے بہارِ نظر
Urdu Kalam
مطلع
بہشتِ کوچۂ نظر ہے بہارِ نظر
تِرے نثار میں اے شوق بےقرارِ نظر
تلاشِ جلوۂ نظر ہے شعارِ نظر
ہر اعتبار سے اونچا ہے اعتبارِ نظر
نگاہِ خاطرِ مضطر نواز کے صدقے
مِری طرف بھی اشارہ ہو اے قرارِ نظر
تِری تلاش ہے اے رونقِ دیارِ حبیبﷺ
تِرے بغیر ہے اُجڑا ہوا دیارِ نظر
بہارِ گلشنِ طیبہ بسی ہے آنکھوں میں
ہے رشکِ ہشت بہشتِ بریں کنارِ نظر
تِرا جمالِ شب و صبحِ تابناک ِ حیات
تِرا خیال مہ و مہرِ نور بارِ نظر
اٹھی تو آپ کے دستِ کرم کی سِمت اٹھی
ہے کتنا محکم و مضبوط اختیارِ نظر
ہجومِ نور کا عالم ہے صبحِ شامِ فراق
شعاعِ مہرِ مدینہ میں گم ہے تارِ نظر
مقطع
وہ بس رہے ہیں نظر میں زہے نصیب اختؔر
یہ سر زمینِ مدینہ ہے یاد یارِ نظر
Kalam Details
Bahr
Bahr-e-Ramal Musamman Mahzoof
Arkaan
فاعلاتن فاعلاتن فاعلاتن فاعلن
Radif
نظر
Zameen
بحر: رمل مثمن محذوف؛ ردیف: نظر
Sanf
نعت
Script
Urdu
Total Misra
18
Writer
Syed Marghoob Akhtar Al-Hamidi
Book
Naat Mahal