Chaman-e-Taiba Mein Sumbul Jo Sanwaare Gesu

Ki Jo Baalon Se Tere Rauzay Ki Jaaroob Kashee
Shab Ko Shabnam Ne Tabarruk Ko Hain Dhaare Gesu

Hum Siyah Kaaron Pe Ya Rab! Tapish-e-mahshar Mein
Saya Afgan Hoon Tere Pyaare Ke Pyaare Gesu

Charche Hooron Mein Hain Dekho To Zara Baal-e-Buraaq
Sumbul-e-khuld Ke Qurbaan Utaare Gesu

Aakhir-e-Hajj Gham-e-Ummat Mein Pareshan Ho Kar
Teera Bakhton Ki Shafaat Ko Sidhaare Gesu

Gosh Tak Sunte Thay Faryaad Ab Aaye Ta Dosh
Ke Banein Khana-e- Badoshon Ko Sahaare Gesu

Sookhe Dhaanon Pe Hamare Bhi Karam Ho Jaaye
Chhaae Rahmat Ki Ghata Ban Ke Tumhare Gesu

Kaaba-e-jaan Ko Panhaayaa Hai Ghilaaf-e-Mushkeen
Ur Kar Aaye Hain Jo Abroo Pe Tumhare Gesu

Silsila-e-Paa Ke Shafaat Ka Jhuke Parte Hain
Sajda-e-shukr Ke Karte Hain Ishare Gesu

Mushk Boo Koocha-e-yeh Kis Phool Ka Jhaaraa Un Se
Hooriyo Ambar-e-Saara Hue Saare Gesu

Dekho Quran Mein Shab-e-qadr Hai Ta Matla-e-fajar
Yaani Nazdeek Hain Aariz Ke Woh Pyaare Gesu

Bheeni Khushboo Se Mehak Jaati Hain Galiyan Wallah
Kaise Phoolon Mein Basaae Hain Tumhare Gesu

Shaan-e-rahmat Hai Ke Shana Na Juda Ho Dam Bhar
Seena-e- Chaakoon Pe Kuchh Is Darja Hain Pyaare Gesu

Shana Hai Panja-e-Qudrat Tere Baalon Ke Liye
Kaise Hathon Ne Shaha Tere Sanwaare Gesu

Ahad-e-paak Ki Chotee Se Ulajh Le Shab Bhar
Subh Hone Do Shab-e-Eid Ne Haare Gesu

Muzhda-e-ho Qible Se Ghanghor Ghataein Umden
Abaruon Paroha Jhuke Jhoom Ke Baare Gesu

Taar-e--e-sheeraaza-e-majamooa-e-kaunain Hain Yeh
Haal Khul Jaaye Jo Ek Dam Hoon Kinaare Gesu

Tel Ki Boonden Tapkatee Nahin Baalon Se Raza
Subh-e-Aariz Pe Lutaate Hain Sitaare Gesu