Naat
Hai Tshn-e-takmeel Madine Ki Tamanna
ہے تشنۂ تکِمیل مدینے کی تمنّا
Urdu Kalam
مطلع
ہے تشنۂ تکِمیل مدینے کی تمنّا
اے مَوت ابھی اور ہے جینے کی تمنّا
بس ایک تمنّا ہے قرینے کی تمنّا
وہ صرف تمنّا ہے مدینے کی تمنّا
اللہ غنی رفعتِ ایوانِ محمّدﷺ
ہے عرشِ الہٰی کو بھی زینے کی تمنّا
دو بُوند ملے ساغرِ مَازَاغ سے ساقی
بَس اور نہیں کچھ مجھے پینے کی تمنّا
قِسمت سے مِلا آمنہ کا لعلِ درخشاںﷺ
تھی مُہرِ رسالتﷺ کو نگینے کی تمنّا
دیکھا کہ ہیں سرکارِ عرب ساقئ کوثرﷺ
رِندوں کو ہوئی اور بھی پینے کی تمنّا
صد پارہ ہوں یوں دامنِ دل ہجرِ نبیﷺ میں
ہو ’’بخیہ گرِدصل‘‘ کو سینے کی تمنّا
ہے تشنہ دہن آج لبِ چشمۂ رحمت
لائی ہے کہاں کھینچ کے پینے کی تمنّا
مقطع
ہم خوب سمجھتے ہیں تمنّا تِری اختؔر
مَرکر تجھے طیبہ میں ہے جینے کی تمنّا
Kalam Details
Bahr
Bahr-e-Hazaj Musamman Akhrab Makfoof Mahzoof
Arkaan
مفعول مفاعیل مفاعیل فعولن
Radif
کی تمنا
Zameen
بحر: ہزج مثمن اخرب مکفوف محذوف؛ ردیف: کی تمنا
Sanf
نعت
Script
Urdu
Total Misra
18
Writer
Syed Marghoob Akhtar Al-Hamidi
Book
Naat Mahal