Naat
Kis Munh Se Shukr Kijiye Parwardigaar Ka
کس منہ سے شکر کیجئے پروردگار کا
Urdu Kalam
مطلع
کس منہ سے شکر کیجئے پروردگار کا
عاصی بھی ہوں تو شافع روز شمارﷺ کا
گیسو کا ذکر ہے تو کبھی روئے یار کا
یہ مشغلہ ہے اب مِرا لیل و نہار کا
چلنے لگی نسیم سحر خلد میں اُدھر
دامن اِدھر ہلا جو شہِ ذی وقار کا
دامن پکڑ کے رحمتِ حق کا مچل گیا
اللہ رے حوصلہ دلِ عصیاں شعار کا
خوشبو اڑا کے باغِ دیار رسولﷺ سے
ہے عرش پر دماغ، نسیم بہار کا
سرمہ نہیں ہے آنکھوں میں غلمان و حور کی
اڑتا ہوا غبار ہے ان کے دیار کا
مقطع
ناکارہ ہے خلیؔل، تو یارب نہ لے حساب
آساں ہے بخشنا تجھے ناکارہ کار کا
Kalam Details
Bahr
Bahr-e-Muzare Musamman Akhrab Mahzoof
Arkaan
مفعول فاعلاتن مفعول فاعلن
Radif
کا
Zameen
بحر: مضارع مثمن اخرب محذوف؛ ردیف: کا
Sanf
نعت
Script
Urdu
Total Misra
14
Writer
Mufti Muhammad Khaleel Barkati
Book
Jamal-e-Khaleel