Naat
Naat-e-Habib Khye Ke Hamd-e-Khuda Bhi Hai
نعتِ حبیبﷺ کہئے کہ حمدِ خدا بھی ہے
Urdu Kalam
مطلع
نعتِ حبیبﷺ کہئے کہ حمدِ خدا بھی ہے
توصیف مصطفیٰﷺ کی خدا ثناء بھی ہے
تو اصلِ کُنْ ہے، حاصلِ ہر مدّعا بھی ہے
اے مبتدائے خلق تو ہی منتہا بھی ہے
سر تا پا تو بشر ہے، بشر سے سوا بھی ہے
یعنی تمام مظہرِ عینِ خدا بھی ہے
ہر ٹیسں میں سکوں ہے تڑپ میں مزا بھی ہے
دردِ فراقِ ماہِ مدینہ دوا بھی ہے
کعبہ میں ہوں جبیں پئے سجدہ ہے بیقرار
شاید مرے نبیﷺ کا یہیں نقشِ پا بھی ہے
ایمان کی تو یہ ہے کہ پاکر درِ حضورﷺ
جو ہوش میں نہ ہو اسے سجدہ روا بھی ہے
اے اہلِ عرش! خاک نشیں ہم سہی مگر
یہ فرشِ خاک مسندِ شاہِ دنیٰ بھی ہے
مکہ کی شب میں صبحِ مدینہ ہے جلوہ گر
کیا حُسن عارضِ پسِ زلفِ دوتا بھی ہے
مقطع
کچھ بھی سہی حضورﷺ مگر ہے تو آپ کا
اختؔر گناہگار بھی، بَد بھی، بُرا بھی ہے
Kalam Details
Bahr
Bahr-e-Muzare Musamman Akhrab Makfoof Mahzoof
Arkaan
مفعول فاعلاتُ مفاعیل فاعلن
Radif
بھی ہے
Zameen
بحر: مضارع مثمن اخرب مکفوف محذوف؛ ردیف: بھی ہے
Sanf
نعت
Script
Urdu
Total Misra
18
Writer
Syed Marghoob Akhtar Al-Hamidi
Book
Naat Mahal